კახა კუჭავა - ნამდვილად არ მადარდებს ოპოზიციის შიგნით აზრთა სხვადასხვაობა რამ შეიძლება გამოიწვიოს და რას უნდა ნიშნავდეს

ნამდვილად არ მადარდებს ოპოზიციის შიგნით აზრთა სხვადასხვაობა რამ შეიძლება გამოიწვიოს და რას უნდა ნიშნავდეს, - ამის შესახებ პარლამენტის თავმჯდომარე კახა კუჭავამ განაცხადა, რითაც უპასუხა კითხვას იმის შესახებ, რომ ოპოზიციაში პარლამენტის რიგგარეშე სხდომის ჩატარების თაობაზე აზრთა სხვადასხვაობაა.

რაც შეეხება „ნაციონალური მოძრაობის“ თავმჯდომარის, ნიკა მელიას განცხადებას, რომ „2 ოქტომბრამდე „ნაციონალური მოძრაობის“ არც ერთ დეპუტატს ივანიშვილის თავყრილობაში მონაწილეობის მისაღებად არ სცალია“, კუჭავა ამბობს, რომ „წინასაარჩევნოდ ყველა ცდილობს, გამორჩეული იყოს გამონათქვამებში“.

„ფაქტი ერთია, რომ ოპოზიციაში აქაც არაა ერთობა, რომ სხდომა ჩატარდეს. ოპოზიციის ნაწილს არ სურს სხდომის ჩატარება და რომც მოვიწვიოთ სხდომა, მათთვის კარგი მიზეზი იქნება თქვან, რომ სხდომა ჩატარდა არჩევნებამდე და არ მიეცათ კამპანიის ჩატარების საშუალება", - განაცხადა კუჭავამ.

შეგახსენებთ, რომ „ერთიანი ნაციონალური მოძრაობის" თავმჯდომარემ, ნიკა მელიამ „ლელოს" ინიციატივაზე, რომლის თანახმადაც, პარტია პარლამენტის რიგგარეშე სხდომის მოწვევას და სუს-ის ხელმძღვანელის გრიგოლ ლილუაშვილის დაბარებას ითხოვს, განაცხადა, რომ "2 ოქტომბრამდე „ნაციონალური მოძრაობის“ არც ერთ დეპუტატს ივანიშვილის თავყრილობაში მონაწილეობის მისაღებად არ სცალია“.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა