„ლელომ“ მცხეთაში მაჟორიტარი დეპუტატობის კანდიდატი წარადგინა

„ლელოს“ ერთ-ერთი ლიდერი ლევან სამუშია მცხეთის მოსახლეობას შეხვდა და პარტიის მაჟორიტარი დეპუტატობის კანდიდატი წარუდგინა.

ლევან სამუშიას თქმით, კახაბერ კანდელაკი, რომელიც მცხეთაში „ლელოს“ გუნდს წარმოადგენს, იქნება ხალხის ხმა და დაიცავს მცხეთის მოსახლეობის ინტერესებს. სამუშია არჩევნებზე მისვლას აუცილებლად მიიჩნევს და მოსახლეობას მოუწოდებს, არც ერთი ხმა არ დაიკარგოს.

„ყველანი უნდა მივიდეთ არჩევნებზე და დავაფიქსიროთ ჩვენი აზრი, საუკეთესო არჩევანი კი არის „ლელო“, პროფესიონალებით დაკომპლექტებული გუნდი. საკუთარი საქმის მცოდნე ხალხი, რომლებიც გააერთიანა „ლელომ“ და იბრძოლებენ ქვეყნის მომავლის განვითარებისთვის. სამწუხაროდ, დღეს პრობლემები არის ყველა რეგიონსა და ქალაქში, ძალიან ბევრ ადამიანს ვხვდები და ყველას იდენტური პრობლემა აქვს. მილიონობით ლარს ხარჯავენ გზების მშენებლობაზე და არსად გზები არ არის, ასევე უამრავი სოფელი და რაიონი დღემდე უწყლოდ არის. ეს არჩევნები არის არა მარტო თვითმმართველობის არჩევნები, არამედ რეფერენდუმი. ვერც ერთ მუნიციპალურ პრობლემას ვერ მოაგვარებ, თუ ამ ქვეყანაში გლობალური გარდატეხა არ მოხდა“, - განაცხადა სამუშიამ. მისივე თქმით, 41 ნომერი, ქვეყნის დაღუპვასა და უკუსვლას უკავშირდება, რაც უნდა შეიცვალოს „ქართული ოცნების“ ხელისუფლებიდან წასვლით.

„რეფერენდუმს რომ ვამბობთ, „ლელოს“ აქვს ამ ყველაფერში უსაზღვროდ დიდი როლი და ეს უნდა გამოვიყენოთ 2 ოქტომბერს. „ქართული ოცნება“ დაღუპავს ჩვენს ქვეყანას, ამიტომ ისინი უნდა შევცვალოთ. ჩვენი გუნდი არის პრინციპული, პროფესიონალებით დაკომპლექტებული და ქვეყანაზე მზრუნველი გუნდი. ჩვენ ყოველთვის გადავდგამთ ნაბიჯს, რომელიც იქნება არა პარტიულ ინტერესებზე, არამედ ქვეყნისა და ხალხის კეთილდღეობაზე მორგებული. ასეთი ადამიანია მცხეთის რაიონში ძეგვსა და ნიჩბისში „ლელოს“ მაჟორიტარი დეპუტატობის კანდიდატი კახაბერ კანდელაკი“, - განაცხადა ლევან სამუშიამ.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
პაატა დავითაია - ვინც საპარლამენტო არჩევნების წინ ფართო გაერთიანების მოდელს შესთავაზებს ამომრჩეველს, მოგებაც მის მხარეს იქნება - ვინც ამ სისტემით გავა არჩევნებზე, ის მინიმუმ გაყოფს ხელისუფლებას, მაქსიმუმ - მოიპოვებს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს