"საქართველოს ადვოკატთა ასოციაციის" ახალი სათავო ოფისის კონცეფცია და დიზაინი მსოფლიოში ერთ-ერთი ყველაზე პრესტიჟული ჯილდოს - Global Architecture & Design Award -ის 2021 წლის გამარჯვებული გახდა. არქიტექტურული პროექტის ავტორი დავით ცუცქირიძეა. ამის შესახებ ინფორმაციას „ადვოკატთა ასოციაცია“ ავრცელებს.

მათივე ცნობით, "ადვოკატთა ასოციაციის" ახალი ადმინისტრაციული შენობა, რომელიც საქალაქო სასამართლოს უკან მდებარეობს ორ სართულსა და ტერასას მოიცავს. შენობის სამკუთხედის ფორმის არქიტექტურული კონცეფცია სიმბოლურია და მართლმსაჯულების სამ აქტორს გულისხმობს ესენია: ადვოკატურა, სასამართლო და პროკურატურა.

ერთიანი და დამოუკიდებელი ადვოკატურის სახლის სამშენებლო სამუშაოები რამდენიმე თვეში დასრულდება.