დმანისში დაჭრილი „ნაციონალური მოძრაობის“ აქტივისტები თბილისში, „ნიუ ჰოსპიტალში“ გადმოიყვანეს

დმანისში დაპირისპირებისას დაჭრილი პირები მრავლობითი დაზიანებებით „ნიუ ჰოსპიტალის“ კლინიკაშია გადაყვანილი. დაშავებულებს გამოკვლევები უტარდებათ.

როგორც კლინიკის გადაუდებელი დახმარების ექიმმა რამინ ალიევმა ჟურნალისტებს განუცხადა, ორივე დაშავებულს ქალა-ტვინის და გულ-მკერდის დახურული ტრავმა აღენიშნება.

„შემოყვანილია ორი მამაკაცი - 38 და 45 წლის. გადმოყვანილები არიან დმანისის ჯანდაცვის რეგიონული ცენტრიდან. ორივე მამაკაცს შემოსვლისას აღენიშნებოდა ქალა-ტვინის დაუზუსტებელი ტრავმა და გულ-მკერდის დახურული ტრავმა. ერთ შემთხვევაში არის თავის და სახის მრავლობითი ჭრილობა, მეორე შემთხვევაში - სახის და ზემო-კიდურის მრავლობითი ჭრილობა“, - განაცხადა რამინ ალიევმა.

ცნობისთვის, დმანისში, დაპირისპირებისას ორი პირი დაჭრეს. „ერთიანი ნაციონალური მოძრაობის“ წევრების ინფორმაციით, სოფელ განთიადში დმანისის მერობის კანდიდატის წინასაარჩევნო შეხვედრაზე ოპოზიციის ორი აქტივისტი დანით არის დაჭრილი.

ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
ქართული პრესის მიმოხილვა 28.11.2022
ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
PSP განცხადებას ავრცელებს