კარლ ჰარცელი დიპლომატების მოსმენაზე - არ მივიჩნევთ ბუნებრივად, რომ ახლო მეგობარი და პარტნიორი საქართველო, ჩართულია მსგავსი სახის აქტივობაში ჩვენს წინააღმდეგ

ჩვენ არ მივიჩნევთ ამას ბუნებრივად, რომ ახლო მეგობარი და პარტნიორი, როგორიც არის საქართველო, ჩართულია მსგავსი სახის აქტივობაში ჩვენს წინააღმდეგ,- ამის შესახებ საქართველოში ევროკავშირის ელჩმა კარლ ჰარცელმა იმის საპასუხოდ აღნიშნა, რომ შესაძლოა, საქართველოს უსაფრთხოების სამსახური ელჩებსაც უსმენდეს.

მისი განმარტებით, ეს კითხვის ნიშნებს აჩენს ვენის კონვენციიდან გამომდინარე, რომელიც აწესრიგებს დიპლომატიურ ურთიერთობებს. როგორც ჰარცელმა აღნიშნა, სწორედ ფარულ ჩანაწერებთან დაკავშირებით იყო გუშინ ბრიუსელში ევროკავშირის სათავო ოფისში დაბარებული საქართველოს ელჩი ევროკავშირში.

„პირველ რიგში, უნდა ითქვას, რომ თქვენ უკვე ნახეთ რეაქცია ბრიუსელიდან. ჩვენ ვიღებთ ამ შემთხვევებს ძალიან სერიოზულად, რადგან საბოლოო ჯამში, ეს აჩენს კითხვის ნიშნებს ვენის კონვენციიდან გამომდინარე, რომელიც, როგორც იცით, განსაზღვრავს დიპლომატიურ ურთიერთობებს. ჩვენ არ მივიჩნევთ ამას ბუნებრივად, რომ ახლო მეგობარი და პარტნიორი, როგორიც არის საქართველო, ჩართულია მსგავსი სახის აქტივობაში ჩვენ წინააღმდეგ. ამ მიზეზით გუშინ საქართველოს ელჩი ევროკავშირში დაბარებული იყო შეხვედრაზე ბრიუსელში ევროკავშირის სათავო ოფისში, იმისთვის, რათა პოზიციები ყოფილიყო გარკვეული და შემდგომ ნაბიჯებზე იყო საუბარი.

შემიძლია დავაფიქსირო უფრო ზოგადი ხედვა ფარული ჩანაწერების გაჟონვასთან დაკავშირებით. მრავალმხრივი განხილვები მიმდინარეობს თავად გავრცელებულ ინფორმაციაზე, მათ შინაარსსა და იმაზე, თუ რას ნიშნავს ეს. უნდა გაგრძელდეს დისკუსიები თვალთვალისა და მიყურადების ბუნებაზე, მათ ზომასა და მასშტაბზე და მინდა ყველას შევახსენო, რომ ქვეყნის უსაფრთხოების სამსახურმა უნდა იმუშაოს საფრთხეებზე, რომელიც ემუქრება ქვეყანას, რაც შეიძლება იყოს დაკავშირებული ტერორიზმთან, შპიონაჟთან და ეს ყველაფერი უნდა იყოს განხორციელებული ძალიან ფრთხილად, კონტროლის ქვეშ და ანგარიშვალდებული უნდა იყოს ეს ინსტიტუცია. ამასთანავე, მინდა ხაზგასმით აღვნიშნო პირადი ცხოვრების ხელყოფის დაუშვებლობა იქიდან გამომდინარე, რომ ყველა ადამიანს აქვს პირადი ცხოვრების ხელშეუხებლობის დაცვის უფლება. ახლა მიმდინარეობს გამოძიება და უნდა იყოს უფრო ფართო დისკუსიები პოლიტიკურ სპექტრთან, რადგან მიყურადება არ არის დემოკრატიული საზოგადოების ნაწილი,“ - განაცხადა ჰარცელმა.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
პაატა დავითაია - ვინც საპარლამენტო არჩევნების წინ ფართო გაერთიანების მოდელს შესთავაზებს ამომრჩეველს, მოგებაც მის მხარეს იქნება - ვინც ამ სისტემით გავა არჩევნებზე, ის მინიმუმ გაყოფს ხელისუფლებას, მაქსიმუმ - მოიპოვებს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს