კახა კალაძე კითხვაზე, უნდა მოიხსნას თუ არა არჩევნებიდან დმანისში მმართველი გუნდის მაჟორიტარობის კანდიდატი - კანდიდატი რა შუაშია?

კანდიდატი რა შუაშია? თუ არიან კონკრეტული ადამიანები, ვისაც დანაშაულში ბრალი მიუძღვის, ამ ადამიანებმა უნდა აგონ პასუხი,- ამის შესახებ „ქართული ოცნების“ გენერალურმა მდივანმა კახა კალაძემ განაცხადა, რითაც უპასუხა კითხვას იმის შესახებ უნდა მოიხსნას თუ არა არჩევნებიდან დმანისში მმართველი გუნდის მაჟორიტარობის კანდიდატი, რომლის შვილიც „ნაციონალური მოძრაობის“ მხარდამჭერების დაჭრის ფაქტზე დააკავეს.

კალაძის თქმით, აუცილებლად დაისჯება ყველა ის პირი, ვინც აღნიშნულ ძალადობაში მონაწილეობდა.

„ეს იყო ძალიან მძიმე ინციდენტი. ძალადობას არანაირი გამართლება არ აქვს. ვეწინააღმდეგები ყველანაირ ძალადობას, მათ შორის ფსიქოლოგიურს და იმ ძალადობას, რომელსაც კონკრეტული ტელევიზიები კონკრეტულ ადამიანებთან მიმართებით ახორციელებენ. ყველას აუცილებლად მოეთხოვება და ყველა ის ადამიანი, ვინც ამ ძალადობაში მონაწილეობდა, აუცილებლად დაისჯება”,- განაცხადა კალაძემ.

როგორც მან აღნიშნა, ყოველ წელს, როდესაც ქვეყანაში არჩევნებია, პროვოკაციები ხდება.

„პროვოკაციებია განსაკუთრებით არჩევნების ბოლო დღეებში. ყოველ წელს, როდესაც ქვეყანაში არჩევნები ტარდებოდა, ეს ასე ხდებოდა. სამწუხაროდ, “ნაციონალური მოძრაობა” მოდიოდა პროვოკაციებზე - ეს იყო, მაგალითად, აჭარაში. როდესაც ოფისში მიუვარდნენ ჩვენს მხარდამჭერებს, ასევე, ეს იყო როდესაც ამბობდნენ, რომ ქარელში მეორე სართულიდან ჟურნალისტი გადააგდეს - ბევრი ასეთი სიცრუე“,- განაცხადა კალაძემ.

შეგახსენებთ, რომ შინაგან საქმეთა სამინისტრომ დმანისის მუნიციპალიტეტში „ერთიანი ნაციონალური მოძრაობის“ მხარდამჭერების დაჭრის ფაქტზე „ქართული ოცნების“ მაჟორიტარობის კანდიდატის მიხეილ დაუთაშვილის შვილი დავით დაუთაშვილი დააკავა. როგორც უწყების ინფორმაციაშია აღნიშნული, ბრალდებულმა წინასაარჩევნო შეხვედრაზე მომხდარი სიტყვიერი და ფიზიკური დაპირისპირებისას, დანის გამოყენებით სახის არეში დაზიანებები მიაყენა პარტია “ერთიანი ნაციონალური მოძრაობის" მხარდამჭერებს.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 18.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს