ირაკლი კობახიძე - არავის დაუბრალებია გიორგი გახარიასთვის ნარკომანობა - სინამდვილეში რაც არსებობს, იმას ვამბობთ, ეს ფაქტის კონსტატაციაა

ჩვენ დეტალებში გვაქვს ინფორმაცია იმასთან დაკავშირებით თუ რა პრობლემები აქვს კონკრეტულად გიორგი გახარიას ნარკოდამოკიდებულების კუთხით, - ამის შესახებ „ქართული ოცნების“ თავმჯდომარე ირაკლი კობახიძემ განაცხადა.

მისი თქმით, „ქართული ოცნების“ გუნდს გიორგი გახარიასთვის არაფერი დაუბრალებია, რადგან ის რომ გახარიას ნარკოდამოკიდებულების მხრივ პრობლემები აქვს, ფაქტის კონსტატაციაა.

„ეს არის ინფორმაცია, რომელიც გვაქვს მთელს ჩვენ პოლიტიკურ გუნდს, მის ხელმძღვანელობას. ჩვენ დეტალებში გვაქვს ინფორმაცია იმასთან დაკავშირებით თუ რა პრობლემები აქვს კონკრეტულად გიორგი გახარიას ნარკოდამოკიდებულების კუთხით.

ჩამოყალიბება სჭირდება მას ნარკოდამოკიდებულებასთან დაკავშირებით, გააგრძელებს თუ არ გააგრძელებს, ეს არის მისი კონსტიტუციური უფლება და შეუძლია, მიიღოს გადაწყვეტილება.

არავის დაუბრალებია გიორგი გახარიასთვის ნარკომანობა. რა თქმა უნდა, ჩვენ არავის არაფერს არ ვაბრალებთ. დაბრალება ნიშნავს იმას, რომ რაღაც არ არსებობს ბუნებაში. სინამდვილეში, რაც არსებობს იმას ვამბობთ, ეს ფაქტის კონსტატაციაა და არა დაბრალება“, - განაცხადა ირაკლი კობახიძემ.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გიორგი ჭიჭინაძე - საპენსიო რეფორმამ ძალიან მოკლე ვადაში დაადასტურა მდგრადობა
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა