კოვიდკლინიკებს, რომლებსაც დარღვევებს გამოუვლენენ, კონკრეტულ ვადებში, დასაქმებულებისთვის დანაკლისის ანაზღაურება დაევალება

კოვიდკლინიკებს, რომლებსაც ჯანდაცვის სამინისტროს შრომის ინსპექტირების სამსახური დარღვევებს გამოუვლენს, კონკრეტულ ვადებში, დასაქმებულებისთვის დანაკლისის ანაზღაურება დაევალება. ამის შესახებ შრომის ინსპექტირების სამსახურის ხელმძღვანელმა ბექა ფერაძემ „ინტერპრესნიუსს" განუცხადა.

ამასთან, ფერაძე ამბობს, რომ დამრღვევ კოვიდკლინიკებს შრომის ინსპექციამ შესაძლოა, გაფრთხილება მისცეს, დააჯარიმოს ან სამუშაო პროცესი შეუჩეროს.

„შრომის ინსპექცია იყენებს ადმინისტრაციულ სახდელებს, რაც არის გაფრთხილება ან დაჯარიმება, უკიდურეს შემთხვევაში შეიძლება იყოს სამუშაო პროცესის შეჩერების გადაწყვეტილებაც თუ გაფრთხილების და დაჯარიმების მექანიზმი არ მუშაობს. ეს აბსოლუტური უკიდურესობაა, რომელიც შეიძლება ზოგადად რომელიმე კომპანიის მიმართ შრომის ინსპექციამ გამოიყენოს. რაც შეეხება კონკრეტულად ამ კლინიკებს, მოკვლევა შეიძლება დასრულდეს გაფრთხილებით ან დაჯარიმებით, ასევე მითითებით, რომ კონკრეტულად განსაზღვრულ ვადაში ყველა ის დანაკლისი, რომელიც დასაქმებულების მიმართ არსებობდა, ანაზღაურდეს. ჩვენ არ ვახორციელებთ სადამსჯელო ღონისძიებას, გვინდა იმ ბენეფიტებით, რომელიც სახელმწიფოს მხრიდან დასაქმებულებს აქვთ, რეალურად ისარგებლონ. შედეგის თვალსაზრისით არაფერი შეიცვლება, დავაჯარიმებთ თუ გავაფრთხილებთ კლინიკას, მას აუცილებლად მივცემთ მითითებას, რომ კონკრეტულ ვადაში დასაქმებულებს დანაკლისი აუნაზღაურონ. ეს არის შედეგი, რომელიც გვინდა მიღწეულ იქნას",- განაცხადა ფერაძემ.

ამასთან, შრომის ინსპექციის სამსახურის ხელმძღვანელი აღნიშნავს, რომ მოკვლევის დასრულების შემდეგ კუთვნილ ანაზღაურებას დაახლოებით, 7500 დასაქმებული მიიღებს.

"ამ ეტაპზე შესწავლილია 7 ათასზე მეტი პერსონალი, თუმცა, გრძელდება დოკუმენტების შესწავლა და შესაძლოა, ეს რაოდენობა გაიზარდოს 8-9 ათასამდე. საბოლოოდ, საკითხი არანაკლებ 7500 ადამიანის შრომით ურთიერთობას შეეხება, თუმცა, ეს არ ნიშნავს, რომ 7500-ვე ინდივიდუალურად ფასდება. გადამოწმება მოხდება ყველა შრომითი ურთიერთობის მაშინ, როცა რეინსპექტირებაზე შევალთ ამა თუ იმ კლინიკაში",- განაცხადა ფერაძემ "ინტერპრესნიუსთან" საუბრისას.

მისივე ინფორმაციით, მოკვლევის შედეგები სავარაუდოდ, ოქტომბერში გამოქვეყნდება.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს