გაეროს გენერალური ასამბლეის 76-ე სესიის ფარგლებში, საქართველოს ვიცე-პრემიერი, საგრეო საქმეთა მინისტრი დავით ზალკალიანი მალტის ევროპულ და საგარეო საქმეთა მინისტრს, ევარისტ ბარტოლოს შეხვდა.
საგარეო საქმეთა სამინისტროს ინფორმაციით, შეხვედრის ფარგლებში, მხარეებმა განიხილეს ორი ქვეყნის ურთიერთობების აქტუალური საკითხები და სხვადასხვა სფეროში თანამშრომლობის გაღრმავების შესაძლებლობები. ასევე, ხაზი გაესვა მრავალმხრივ ფორმატებში თანამშრომლობის გაძლიერების მნიშვნელობას.
უწყების ცნობით, მალტის საგარეო საქმეთა მინისტრმა მტკიცე მხარდაჭერა გამოხატა როგორც საქართველოს სუვერენიტეტისა და ტერიტორიული მთლიანობის, ასევე ევროპული მისწრაფებების მიმართ.