ანა ნაცვლიშვილი - „ნამახვანჰესთან“ დაკავშირებული მოვლენები მხოლოდ ხელისუფლების პასუხისმგებლობის საკითხია

„ნამახვანჰესთან“ დაკავშირებული მოვლენები, დასაწყისიდან „ენკას" გუშინდელ განცხადებამდე, მხოლოდ ხელისუფლების პასუხისმგებლობის საკითხია, რომელმაც ვერ მართა პროცესი და ისეთი ხელშეკრულების დადება ვერ უზრუნველყო, რომელიც საზოგადოებაში, მათ შორის გარემოს დამცველებში ბევრ საჭირბოროტო კითხვას არ გააჩენდა, - ამის შესახებ ფრაქცია „ლელო-პარტნიორობა საქართველოსთვის" წევრმა ანა ნაცვლიშვილმა განაცხადა.

ნაცვლიშვილის თქმით, ხელისუფლება ლეგიტიმურ კითხვებზე პასუხის გაცემის ნაცვლად, ბუჩქის ქვეშ დაჯდა.

„დიახ, ქვეყანას ენერგოდამოუკიდებლობა სჭირდება და ჰესების მშენებლობა სწორედ ამის ნაწილია. კონკრეტულად „ნამახვანჰესთან“ დაკავშირებით დადებულ ხელშეკრულებაზე ძალიან ლეგიტიმური, მძიმე კითხვები არსებობდა. ამ კითხვებზე პასუხის გაცემა არ და ვერ მოხერხდა. ჩვენ თვეების განმავლობაში ვხედავდით, რომ სახელმწიფო ბუჩქის ქვეშ იჯდა და ხეობის მცხოვრებლებს საპოლიციო ძალების მეშვეობით ელაპარაკებოდა“, - განაცხადა ანა ნაცვლიშვილმა.

ENKA საქართველოს მთავრობასთან ხელშეკრულებას წყვეტს. ამის შესახებ Enka Renewables-ის მშობელი კომპანიის - ENKA İNŞAAT-ის მიერ სტამბოლის საფონდო ბირჟაზე გამოქვეყნებულ განცხადებაშია აღნიშნული. კომპანია ხელშეკრულების გაწყვეტის მიზეზად საკონტრაქტო პირობების დარღვევასა და დიდი ხნის ფორსმაჟორულ სიტუაციას ასახელებს.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს