ირაკლი კობახიძე - მთელ რადიკალურ ოპოზიციას შემიძლია დავპირდე, რომ 2024 წელს ჩატარდება საპარლამენტო არჩევნები, ეს არის ჩემი პირობა

თბილისში კახა კალაძე დამაჯერებად იგებს ამ არჩევნებს, - ამის შესახებ პარტია „ქართული ოცნების“ თავმჯდომარე, ირაკლი კობახიძემ საქართველოში ევროკავშირის წარმომადგენლობის ოფისთან განაცხადა, სადაც ევროკავშირის ელჩი კარლ ჰარცელი ხელისუფლებისა და ოპოზიციის წარმომადგენლებს შეხვდა.

როგორც კობახიძემ ჟურნალისტებს განუცხადა, თბილისის მერობის კანდიდატი კახა კალაძე არჩევნებზე ორჯერ მეტ ხმას აიღებს, ვიდრე „ნაციონალური მოძრაობიდან“ ნიკანორ მელია.

„ერთი რამ მარტივად შეიძლება ითქვას თბილისის მერის არჩევნებთან დაკავშირებით და კიდევ ერთხელ შეგიძლიათ იგივე კითხვა დამისვათ 3 ოქტომბერს - კახა კალაძე აიღებს ორჯერ მეტ ხმას მინიმუმ, ვიდრე ნიკანორ მელია. რაც შეეხება გახარიას, ის აიღებს მინიმუმ ორჯერ ნაკლებ ხმას, ვიდრე მელია. ეს არის მარტივი პროგნოზი. 3 ოქტომბერს შეგვიძლია ამ საკითხს დავუბრუნდეთ. ჩვენი რეიტინგი რამდენია იცით? თბილისის რეიტინგი ნახეთ დღეს? თბილისში კახა კალაძე დამაჯერებად იგებს ამ არჩევნებს.

რაც შეეხება პარტიას, ჩვენ გვაქვს უპრეცედენტო მხარდაჭერა თბილისში და ქვეყნის მასშტაბითაც ძალიან მაღალია ეს მხარდაჭერა. თბილისში დაფიქსირდა 50,9%, როდესაც საპარლამენტო არჩევნებში, თბილისში გვქონდა 41.2%. ეს პირველ რიგში იმის დამსახურებაა, რომ საზოგადოებას ვესაუბრებით პროგრამით და იმ საკითხებზე, რაც საზოგადებას აწუხებს მაშინ, როდესაც ოპოზოცია გაუგებარი რიტორიკით არის დაკავებული“,-განაცხადა კობახიძემ.

რაც შეეხება ფრაქციის „ლელო - პარტნიორობა საქართველოსთვის“ დეპუტატის სალომე სამადაშვილის განცხადებას იმის თაობაზე, რომ ქვეყანაში ვადამდელი არჩევნებია მოსალოდნელი, ირაკლი კობახიძე პასუხობს, რომ ეს გამორიცხულია.

„მთელ რადიკალურ ოპოზიციას შემიძლია დავპირდე, რომ 2024 წელს ჩატარდება საპარლამენტო არჩევნები. ეს არის ჩემი პირობა, რომელსაც არავითარ შემთხვევაში არ გადავუხვევთ. რაც შეეხება საარჩევნო შედეგს, არასდროს ისეთი თავდაჯერებული არ ვყოფილვართ შედეგის კუთხით, როგორც დღეს ვართ“, - განაცხადა კობახიძემ.

გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 24.11.2022
რამაზ საყვარელიძე - ჩვენთვის კანდიდატის სტატუსის მოცემა მსოფლიოს ახალ პოლიტიკურ  სქემებზეა  დამოკიდებული და არა ჩვენი ოპოზიციის მიერ ევროპისთვის  შეშველებულ  12 პუნქტზე
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ
„ბიბლუსში“ Black Friday დაიწყო - 50%-იანი ფასდაკლება მხოლოდ ვებგვერდზე შოპინგისას
500-მდე პარტნიორი კომპანია და 100%-იანი ზრდის პერსპექტივა - „არომაკო“ 2-წლიან საქმიანობას აჯამებს
11 000 ლარამდე ფასდაკლება „ტერასა რეზორთ ბაკურიანის“ პრემიუმ კლასის სასტუმროს ნომრებზე 30 ნოემბერს სრულდება
ბაზისბანკის მხარდაჭერით ქუთაისში Hill Hotel Kutaisi გაიხსნა
„მრავალი ხმა, ერთი სამშობლო“ – კამპანია, რომელიც განსხვავებულ ადამიანებს აერთიანებს