მამუკა მდინარაძე - ნიკა მელიას მხოლოდ და მხოლოდ მძიმე პროვოკაციებზე წასვლა დარჩენია - ირაკლი კობახიძეს, რომლის გინებაც არ გამიგია, გამოსტყუა დედის გინება, სადამდე მიიყვანა ეს ძალიან გაწონასწორებული ადამიანი

მათ რომ დღეს შეეძლოთ, საბედნიეროდ არ შეუძლიათ, რასაც თავის დროზე აკეთებდნენ, ათჯერ უარესს გააკეთებენ, მაგრამ ამის საშუალებას არავინ მისცემს, ამის ავანგარდში ვიქნებით ჩვენ და რა თქმა უნდა, ეს ყველაფერი იქნება ქართველ ხალხთან ერთად, - ამის შესახებ „ქართული ოცნების“ აღმასრულებელმა მდივანმა მამუკა მდინარაძეირაკლი კობახიძისა და ნიკა მელიას დაპირისპირებაზე საუბრისას განაცხადა და მომხდარი „ნაცმოძრაობის“ მორიგ პროვოკაციად შეაფასა.

მამუკა მდინარაძე მოუწოდებს მხარდამჭერებს, არ წამოეგონ პროვოკაციებზე, რათა „არ ისარგებლოს ამით „ნაცმოძრაობამ“.

„ვისაც კი ვიცნობდი და კადრებში ამოვიცანი, პირადად დავუკავშირდი პირადად მოვიძიე ნომრები, ვისიც არ ვიცოდი და კიდევ ერთხელ მოვუწოდებ: რაც იქ შეიძლება მოხდეს, თუნდაც სიტყვიერი კამათი, როგორც პირად საუბრებში გვეუბნებოდნენ, რომ ვეტყვით იმას, რასაც იმსახურებს, ესეც კი მძიმე პროვოკაციას გამოიწვევს და ეს აწყობს მხოლოდ და მხოლოდ „ნაცმოძრაობას“ და ყველას ვთხოვ, ნუ გავაკეთებთ იმას, ნურც დღეს და ნურც მომავალში, რაც „ნაცმოძრაობას“ აწყობს. მათ აქვთ წაგებული პირწმინდად არჩევნები. ნიკა მელია, როგორც ჩანს, დღეს ძალიან გააღიზიანა ახალმა კვლევებმა, სადაც კახა კალაძეს კიდევ უფრო გაზრდილი აქვს წინა კვლევებთან შედარებით რეიტინგი. ამ გაღიზიანების ფონზე მას დარჩენია მხოლოდ და მხოლოდ მძიმე პროვოკაციებზე წასვლა. თქვენ წარმოიდგინეთ, ირაკლი კობახიძეს, რომლის გინებაც მე არ გამიგია, დღე და ღამე შტაბში ერთად ვართ და ერთ საქმეს ვაკეთებთ, გამოსტყუა დედის გინება. წარმოიდგინეთ, სადამდე მიიყვანა ეს ძალიან გაწონასწორებული ადამიანი, უმძიმესია. ირაკლიმაც თქვა, რომ პირადად საკუთარ თავზე გამოცადა, რა მძიმე მოსათმენია ეს პროვოკაციები და მესმის თითოეული ჩვენი აქტივისტის, მაგრამ უნდა მოვითმინოთ იმისათვის, რომ ამ პროვოკაციაზე არ წამოვეგოთ და არ ისარგებლოს ამით „ნაცმოძრაობამ“. მეტი შანსი არ აქვთ, ერთადერთი გზა, ერთადერთი პლატფორმა მათი არის ტყუილი და პროვოკაცია და ამაზე არ უნდა წამოვეგოთ“, - განაცხადა მამუკა მდინარაძემ.

ცნობისთვის, ევროკავშირის წარმომადგენლობასთან, სადაც ნიკა მელია და ოპოზიციის წარმომადგენლები ელჩებთან შეხვედრას მართავენ, „ქართული ოცნების" ახალგაზრდული ფრთის წევრები შეიკრიბნენ.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო