კახა ქემოკლიძე - პოლიტიკური პროცესი მსგავსი ცირკითა და მასკარადით 2 ოქტომბერს, ცვლილების არჩევნებზე უნდა დასრულდეს

ქართული პოლიტიკური პროცესი მსგავსი ცირკით და მასკარადით 2 ოქტომბერს, ცვლილების არჩევნებზე უნდა დასრულდეს - ევროკავშირთან რომ მსგავსი ტიპის რაღაცები ხდება, მიუღებელია, - ასე აფასებს პარტია „საქართველოსთვის“ ერთ-ერთი ლიდერი კახა ქემოკლიძე ევროკავშირის ოფისთან ნიკა მელიასა და ირაკლი კობახიძეს შორის მომხდარ სიტყვიერი და ფიზიკური დაპირისპირების ფაქტს.

ქემოკლიძის თქმით, რა თქმა უნდა, ნებისმიერი ტიპის პროვოკაცია მიუღებელია, რადგან "პოლიტიკოსები პოლიტიკით უნდა დაკავდნენ და არა პროვოკაციებით, რაც აბსოლუტურად ყველას ეხება".

ქემოკლიძის შეფასებით, წინასაარჩევნო გარემო მძიმეა და ამის ნათელი დადასტურება იყო ის, რაც მოხდა ქვემო ქართლსა და რუსთავში.

„ზოგადად, მთელი ამ თვეებისა და კვირების განმავლობაში, ამ შემთხვევაში, ჩვენი პარტიის გადმოსახედიდან ძალიან ბევრ ადამიანზე ძალიან დიდი წნეხი ხორციელდებოდა. ადამიანები, რომლებიც ხელს გვართმევდნენ, გვეუბნებოდნენ, რომ ჩვენ ვიქნებით ღირსეული კანდიდატები კონკრეტულ მიმართულებებზე, ამის შემდეგ, რამდენიმე დღეში მოდიოდნენ და გვეუბნებოდნენ, რომ ბოდიში, ჩემი ოჯახის წევრი, ნათესავი, ახლობელი, აი, აქედან გამოაგდეს, დაემუქრნენ, კონკრეტულ კერძო კომპანიაში შევიდნენ იმ მიზნით, რომ ეს ადამიანები რეალურად დაეტერორებინათ. ეს ყველაფერი გვახსოვს, როდის ხორციელდებოდა და რომ არ მოხდეს ეს ყველაფერი, უნდა მოვახდინოთ ცვლილება“, - განაცხადა ქემოკლიძემ.

მან ისაუბრა ოპოზიციის ნაწილისა და ელჩების შეხვედრაზე.

მისი თქმით, ისაუბრეს ყველა იმ მნიშვნელოვან დეტალზე, რომელიც კრიტიკულად მნიშვნელოვანია, წინასაარჩევნო პერიოდში იცოდნენ ელჩებმა.

„ესენი არიან ის ადამიანები, რომლებიც ზურუნავენ და ფიქრობენ საქართველოზე. მე დარწმუნებული ვარ, რომ ეს ადამიანები ძალიან ობიექტურად დააკვირდებიან, როგორც წინასაარჩევნო კამპანიას, ისე არჩევნების დღეს“, - განაცხადა ქემოკლიძემ.

რაც შეეხება „ქართული ოცნების“ შიდა კვლევას, ქემოკლიძის შეფასებით, ეს არ არის კვლევა, ეს არის კვლევების შეურაცხყოფა.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
ქართული პრესის მიმოხილვა 25.10.2021
ჰუმანური შრომითი პოლიტიკა - რას ნიშნავს შრომით ბაზარზე გამოჩენილი ახალი ტენდენცია
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
BDO: ყველაზე ცნობადი ბრენდი საქართველოს ბიზნეს საკონსულტაციო კომპანიების ბაზარზე
„მიჰაუსში“ ჰელოუინთან დაკავშირებით დიდი ფასდაკლება დაიწყო
ამბასადორი ბათუმი აილენდი მულტიფუნქციური ხელოვნური კუნძულის მშენებლობისთვის ტექნიკურ კვლევებს აწარმოებს
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა