ნინო ბურჯანაძე - ეს ბანტუსტანია უკვე და არა, ქვეყანა

იმედი მინდა ვიქონიო, რომ დღეს კიდევ უფრო ნათლად დაინახავს ევროკავშირიც, ამერიკაც და ყველა საელჩოც იმ პარტიის სახეს, რომლის აქტივისტებიც კვერცხებით და ქვებით ელოდებიან ოპოზიციური პარტიის ლიდერის გამოსვლას საელჩოდან და ელჩს უწევს, პირადად დაუკავშირდეს შსს-ს, რომ დარწმუნებული იყოს მისი სტუმრების უსაფრთხოებაში. ეს ბანტუსტანია უკვე და არა, ქვეყანა, - ასე აფასებს „ინტერპრესნიუსთან" საუბრისას „ერთიანი საქართველოს“ ლიდერი ნინო ბურჯანაძე ევროკავშირის ოფისთან ნიკა მელიასა და ირაკლი კობახიძეს შორის მომხდარ დაპირისპირებას.

ნინო ბურჯანაძის შეფასებით, ნებისმიერი დაპირისპირება და მწვავე სიტუაცია არ არის მისაღები, მითუმეტეს, როდესაც ეს საელჩოსთან ხდება, მაგრამ ეს აბსოლუტურად იმ პოლიტიკის დამსახურებაა, რომელსაც აწარმოებდა „ქართული ოცნება“ მთელი ამ წლების განმავლობაში.

„აწარმოებდა იმ ძალადობით, მასხრად აგდებით, დაუსჯელობით და ცინიზმით, რომელიც მუდმივად მოდიოდა „ქართული ოცნებიდან“ და ამ საკითხში ნამდვილად ჩემპიონი იყო და რჩება ჩემპიონად ირაკლი კობახიძე. თუნდაც ის ცინიზმი, რომელიც დმანისთან დაკავშირებულ მოვლენას მოჰყვა, როდესაც გამოძიების და ძალადობის აღკვეთის ნაცვლად, კვლავ ოპოზიციისკენ გაიშვირეს ხელი, ბუნებრივია, იწვევს ოპოზიციის მხრიდან აღშფოთებას, რაც დავინახეთ დღეს ევროკავშირის საელჩოს წინ. ის ქვეყანა ვერ ჩაითვლება ნორმალურ ქვეყნად, სადაც უსმენენ ევროკავშირის, აშშ-ს ელჩებს, ყველას და ყველგან უთვალთვალებენ. სამწუხაროა, რომ ეს გვიან დაინახეს ჩვენმა პარტნიორებმა, მათ შორის, ევროკავშირმა და ამერიკის მხარემ. ეს ახლა, უკვე მათი განცხადებით ძალიან ნათლად ჩანს, მაგრამ თავის დროზე, მათი პოზიტიური მცდელობა მიშელის დოკუმენტის კრიზისის განმუხტვით, სამწუხაროდ შემოგვიბრუნდა ნეგატიურად, იმიტომ, რომ მიშელის დოკუმენტმა მხოლოდ გაათავხედა „ქართული ოცნება“, მხოლოდ ფრთები შეასხა. ამან გამოიწვია პარლამენტში ოპოზიციის შესვლა და პარლამენტის ერთპარტიულობის საკითხის მოხსნა, რამაც კიდევ უფრო ღრმად წაიყვანა პოლიტიკური კრიზისი. იმედი მინდა ვიქონიო, რომ დღეს კიდევ უფრო ნათლად დაინახავს ევროკავშირიც, ამერიკაც და ყველა საელჩოც იმ პარტიის სახეს, რომლის აქტივისტებიც კვერცხებით და ქვებით ელოდებიან ოპოზიციური პარტიის ლიდერის გამოსვლას საელჩოდან და ელჩს უწევს, პირადად დაუკავშირდეს შსს-ს, რომ დარწმუნებული იყოს მისი სტუმრების უსაფრთხოებაში. ეს ბანტუსტანია უკვე და არა ქვეყანა. თუ ჩვენ ამ არჩევნებით სასწრაფოდ არ შევცვალეთ რეალობა და „ქართული ოცნება“ ხელისუფლებას არ მოვაშორეთ, უბრალოდ გადავჩეხავთ ქვეყანას იზოლაციის და კატასტროფის ჭაობში“, - აცხადებს ნინო ბურჯანაძე.

გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 24.11.2022
რამაზ საყვარელიძე - ჩვენთვის კანდიდატის სტატუსის მოცემა მსოფლიოს ახალ პოლიტიკურ  სქემებზეა  დამოკიდებული და არა ჩვენი ოპოზიციის მიერ ევროპისთვის  შეშველებულ  12 პუნქტზე
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ
„ბიბლუსში“ Black Friday დაიწყო - 50%-იანი ფასდაკლება მხოლოდ ვებგვერდზე შოპინგისას
500-მდე პარტნიორი კომპანია და 100%-იანი ზრდის პერსპექტივა - „არომაკო“ 2-წლიან საქმიანობას აჯამებს
11 000 ლარამდე ფასდაკლება „ტერასა რეზორთ ბაკურიანის“ პრემიუმ კლასის სასტუმროს ნომრებზე 30 ნოემბერს სრულდება
ბაზისბანკის მხარდაჭერით ქუთაისში Hill Hotel Kutaisi გაიხსნა
„მრავალი ხმა, ერთი სამშობლო“ – კამპანია, რომელიც განსხვავებულ ადამიანებს აერთიანებს