კახა კალაძე - ვფიქრობ, ევროკავშირის ელჩის მხრიდან წამოცდენა იყო, რადგან მტკიცებით ფორმატში საუბრობდა, თითქოს ელჩებს უსმენდნენ

ელჩის მხრიდან წამოცდენა იყო, რადგან მტკიცებით ფორმატში საუბრობდა, რომ თითქოს ელჩებს უსმენდნენ, - ასე ეხმაურება "ქართული ოცნების" თბილისის მერობის კანდიდატი, კახა კალაძე "პალიტრანიუსის" გადაცემაში "თავისუფალი სტუდია" საქართველოში ევროკავშირის ელჩის, კარლ ჰარცელის განცხადებას ფარულ ჩანაწერებთან დაკავშირებით.

როგორც კახა კალაძემ ინტერნეტ სივრცეში გავრცელებულ ჩანაწერებზე საუბრისას აღნიშნა, ყველაფერს გამოძიება დაადგენს და წინასწარ რაიმეს შეფასება ნაადრევია.

"ძალიან მარტივად არის, ყველაფერი უნდა გაირკვეს, უნდა ჩატარდეს გამოძიება და ობიექტური გამოძიება დაადგენს ყველაფერს, რა არის სიმართლე, რა არის - ტყუილი და ა.შ. ნაადრევად რაიმეზე კომენტარის გაკეთება, რაც მე ვფიქრობ, ელჩის მხრიდან წამოცდენა იყო, რადგან მტკიცებით ფორმატში საუბრობდა, თითქოს ელჩებს უსმენდნენ, ამიტომ, გამოძიება არის მნიშვნელოვანი, რომ გაირკვეს სიმართლე და საზოგადოებამ გაიგოს ყველაფერი, რა არის ტყუილი და რა არის მართალი", - განაცხადა კახა კალაძემ.

საქართველოში ევროკავშირის ელჩის, კარლ ჰარცელის განცხადებით, ფარულ ჩანაწერებთან დაკავშირებით საქართველოს ელჩი ევროკავშირის ოფისში დაიბარეს. როგორც ჰარცელმა ჟურნალისტებს განუცხადა, შეხვედრა ბრიუსელში ევროკავშირის სათავო ოფისში შედგა. ელჩი გავრცელებულ ინფორმაციასაც გამოეხმაურა იმის თაობაზე, რომ დიპლომატებსაც უსმენენ და როგორც აღნიშნა, ევროკავშირი ამას არ უყურებს, როგორც ნორმალურ მოვლენას.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს