მეუფე იაკობი ფარულ ჩანაწერებზე - არ მაინტერესებს რა არის, დაგვაცადეთ, ყველას და ყველაფერს მიეხედება

დაგვაცადეთ, ყველას და ყველაფერს მიეხედება, - ამის შესახებ ბოდბელმა ეპისკოპოსმა იაკობმა გავრცელებულ ე.წ. ფარულ ჩანაწერებთან დაკავშირებით დასმული კითხვის საპასუხოდ განაცხადა.

როგორც მეუფემ ჟურნალისტებთან აღნიშნა, ის აღნიშნული თემით არ ინტერესდება.

„მე საერთოდ არ ვინტერესდები, არც მაინტერესებს რა არის. დაგვაცადეთ, ყველას და ყველაფერს მიეხედება", - განუცხადა მეუფე იაკობმა ჟურნალისტებს.

ამასთან, მარნეულისა და ჰუჯაბის ეპისკოპოსი გიორგი (ჯამდელიანი) მიიჩნევს, რომ თუ ქვეყანაში მართლაც ხდება უკანონო მოსმენები და მიყურადება, ეს დიდი ბოროტებაა.

"თუ ასეთი ტოტალური, უკანონო მოსმენები, მიყურადება ხდება ჩვენ სახელმწიფოში, ეს არის დიდი ბოროტება. მოკლედ მინდა გითხრათ ეს", - განაცხადა მან.

კითხვაზე, რა იქნება ამ თემაზე ეკლესიის პასუხი, მეუფემ უპასუხა: „დაველოდოთ, მოვლენებს“.

შეგახსენებთ, ინტერნეტსივრცეში გავრცელდა მასალები, რომელიც სავარაუდოდ, სუს-ის მიერ ფარული მიყურადების გზით პოლიტიკოსების, სასულიერო პირებისა და ჟურნალისტების მოსმენას და თვალთვალს უკავშირდება. აღნიშნულთან დაკავშირებით ოპოზიცია სახელმწიფო უსაფრთხოების სამსახურის უფროსის, გრიგოლ ლილუაშვილის პარლამენტში დაბარებას ითხოვს. მათი ნაწილი ასევე მიიჩნევს, რომ სუს-ის უფროსმა თანამდებობა უნდა დატოვოს. მმართველ გუნდში აცხადებენ, რომ ოპოზიციის მოთხოვნა არალეგიტიმურია და გამოძიება ყველა კითხვას პასუხს გასცემს.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 20.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს