გერმანიაში სეზონურ სამუშაოზე, 2021 წლის აპრილიდან სექტემბრამდე 242 პირი დასაქმდა

გერმანიის ფედერაციულ რესპუბლიკაში სეზონურ სამუშაოზე ქართული სამუშაო ძალის დასაქმების შესახებ შეთანხმების ფარგლებში 2021 წლის აპრილიდან 2021 წლის 23 სექტემბრამდე სულ 242 პირი დასაქმდა.

როგორც „ინტერპრესნიუსს“ დასაქმების ხელშეწყობის სახელმწიფო სააგენტოში განუცხადეს, ამ დროისათვის სოფლის მეურნეობის სფეროში საქართველოს მოქალაქეების დასაქმების თაობაზე შეთანხმება მხოლოდ გერმანიის ფედერაციულ რესპუბლიკასთან არის გაფორმებული, ის დროში შეზღუდული არ არის და გაგრძელდება არამხოლოდ 2021, არამედ შემდეგ წლებშიც.

“არსებულ შეთანხმებათა იმპლემენტაცია მიმდინარეობს შეუფერხებლად და გაგრძელდება სამომავლოდაც. ქვეყანამ უკვე მიიღო პოზიტიური გამოცდილება. მაგალითისათვის, გერმანიის ფედერაციულ რესპუბლიკასთან არსებული შეთანხმების ფარგლებში უკვე გამოიკვეთა ისეთი დამსაქმებლები, სადაც საქართველოს მოქალაქეთა რამდენიმე ჯგუფი მუშაობს და შრომით ურთიერთობაში მყოფი ორივე მხარე კმაყოფილია.

მთავარი მიზანი ამ პროცესისა არის ხალხთაშორის ურთიერთობების გაღრმავება, მეტი ევროპული და წამყვანი შრომითი სტანდარტის გაცნობა ჩვენი მოქალაქეებისათვის, მათ შორის პრაქტიკულ დონეზე და ამის ჩვენი ქვეყნის განვითარებისათვის, სხვადასხვა სექტორში გადმოტანა. მსგავსი, დროში განსაზღვრული სახელმწიფოთაშორისი შეთანხმებები არალეგალური მიგრაციისა და ქვეყნიდან მოქალაქეების ხანგრძლივი ვადით ან მუდმივად გადინების პრევენციას ახდენს.

ამ ეტაპზე, სოფლის მეურნეობის სფეროში სეზონურ სამუშაოებზე საქართველოს მოქალაქეთა დასაქმების სახელმწიფოთაშორისი შეთანხმება გაფორმებულია მხოლოდ გერმანიის ფედერაციულ რესპუბლიკასთან. შეთანხმება არ არის შეზღუდული დროში და გაგრძელდება არამხოლოდ 2021, არამედ შემდეგ წლებშიც”, - აღნიშნავენ უწყებაში.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო