რევაზ სოხაძე ქვემო სამგორის მოსახლეობას შეხვდა

სამგორის მაჟორიტარი დეპუტატობის კანდიდატი რევაზ სოხაძე ქვემო სამგორის მოსახლეობას შეხვდა. ამის შესახებ ინფორმაციას „ქართული ოცნების“ პრესსამსახური ავრცელებს.

შეხვედრა ე.წ გუმათჰესის სკვერში გაიმართა, რომლის რეაბილიტაციაც მიმდინარეობს და მალე, სამგორს კიდევ ერთი ახალი რეკრიაციული სივრცე შეემატება.

შეხვედრაზე დეტალურად ისაუბრეს იმ ინფრასტრუქტურულ პროექტებზე, რომელიც ქვემო სამგორში განხორციელდა. მაჟორიტარი დეპუტატობის კანდიდატმა მოსახლეობას კახა კალაძის გუნდის მომავალი 4 წლის სამოქმედო გეგმა გააცნო.

“ადგილობრივი მცხოვრებლებისთვის აღნიშნულ უბნებზე ამ ეტაპისთვის ძირითად გამოწვევად, წყალანირების ქსელის რეაბილიტაცია, საკანალიზაციო სისტემის მოწესრიგება, მოსასვენებელი სივრცეებისა და ფიტნეს ზონების მოწყობა წარმოადგენს.

აღსანიშნავია, რომ ქვემო სამგორში გასული ოთხი წლის განმავლობაში 15-ზე მეტი მსხვილი და საშუალო ინფრასტრუქტურული პროექტი, ხოლო ბინათმესაკუთრეთა ამხანაგობების განვითარების ხელშეწყობის პროგრამის ფარგლებში 42 პროექტი განხორციელდა. მოწესრიგდა შიდა გზები, ჩატარდა კორპუსების დაზიანებული სახურავების სრული რეაბილიტაცია, აშენდა 4 მინი სტადიონი.

შეხვედრებს რევაზ სოხაძესთან ერთად, საქართველოს პარლამენტის წევრი, სამგორის მაჟორიტარი დეპუტატი სოზარ სუბარი, საქართველოს პარლამენტის წევრი ირაკლი ზარქუა და სამგორის რაიონის გამგებელი კახა სამხარაძე ესწრებოდნენ” , - ნათქვამია ინფორმაციაში.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გიორგი ჭიჭინაძე - საპენსიო რეფორმამ ძალიან მოკლე ვადაში დაადასტურა მდგრადობა
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა