ირაკლი ხელაძემ კლუბი „რაშების“ მოედანი დაათვალიერა, სადაც 2022 წელს სარაგბო ბაზა მოეწყობა

მმართველი გუნდის ნაძალადევის რაიონის მაჟორიტარობის კანდიდატმა ირაკლი ხელაძემ რაგბის კლუბი „რაშების“ მოედანი დაათვალიერა, სადაც მომავალ წელს სარაგბო ბაზა მოეწყობა.

„ქართული ოცნების“ პრესსამსახურის ცნობით, თბილისის ზღვის მიმდებარედ ახალი სტადიონის მშენებლობის შესახებ შეხვედრის მონაწილეებს რაგბის კავშირის პრეზიდენტი იოსებ ტყემალაძე ესაუბრა.

თბილისის საკრებულოში „ქართული ოცნება - დემოკრატიული საქართველოს“ დეპუტატობის კანდიდატმა კლუბის პრეზიდენტს ერეკლე კამლაძეს ხუთწლიანი საქმიანობისა და რაგბის პოპულარიზაციაში შეტანილი წვლილისთვის მადლობა გადაუხადა. „რაშებში“ ამ ეტაპზე 300-მდე ბავშვი ვარჯიშობს.

„გამგებლობის პერიოდში აქტიურად ვეხმარებოდი ამ ადამიანებს, იმისათვის, რომ ბავშვებისთვის შესაძლებლობა მიეცათ, ნორმალურ პირობებში ევარჯიშათ. დღევანდელმა დღემ განსხვავებული მოცემულობა შექმნა. ჩვენი რაიონისთვის მნიშვნელოვანი პროექტის დაანონსება მოხდა. აქ გაკეთდება ძალიან კარგი სპორტული კომპლექსი და მე დარწმუნებული ვარ, ბევრი ბავშვი, ვინც აქ ვარჯიშობს, სამომავლოდ ჩვენს ქვეყანას წარმატებებს მოუტანს“, - განაცხადა ირაკლი ხელაძემ.

უწყების ცნობით, რაგბის კლუბის სამწვრთნელო გუნდთან, აღსაზრდელებთან და მათ მშობლებთან შეხვედრას საქართველოს პარლამენტის წევრები მიხეილ ყაველაშვილი და დავით კაჭარავა ესწრებოდნენ.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს