ბოლო ხუთ დღეში, კორონავირუსის საწინააღმდეგო ვაქცინით 68 364 ადამიანი აიცრა. ბოლო რამდენიმე დღეა, აცრის საშუალო დღიური მაჩვენებელი 12-14 ათასის ფარგლებშია. ბოლო 24 საათში 13 580 ადამიანი აიცრა.
დაავადებათა კონტროლის ეროვნული ცენტრის ინფორმაციით, 25 სექტემბრის მონაცემებით სულ ჩატარებულია 1 729 672 აცრა. სულ მცირე 1 დოზით ვაქცინირებულია 967 441 ადამიანი - მოზრდილი მოსახლეობის 34.1%. სრულად ვაქცინირებულია 762 231 ადამიანი - მოზრდილი მოსახლეობის 26.7%.