სკუდიერის ქუჩაზე და მის მიმდებარე ტერიტორიაზე კეთილმოწყობის სამუშაოები დასრულდა

პროექტ „ახალი ტფილისის“ ფარგლებში, თბილისის განვითარების ფონდმა სკუდიერის ქუჩაზე და მის მიმდებარე ტერიტორიაზე კეთილმოწყობის სამუშაოები დაასრულა.

დედაქალაქის მერიის ინფორმაციით, რეაბილიტირებულ სკვერს თბილისის მერი, კახა კალაძე, მოადგილეებთან ანდრია ბასილაია და ირაკლი ბენდელიანთან, ასევე, თბილისის განვითარების ფონდის დირექტორ ლევან ჯღარკავასთან ერთად გაეცნო.

„კიდევ ერთი კარგი პროექტი, სკუდიერის სკვერის რეაბილიტაცია განხორციელდა. მანამდე აქ ცუდი მდგომარეობა იყო. ტერიტორიაზე დაახლოებით, 600-მდე სახეობის ხე-მცენარე დაირგო, დამონტაჟდა განათების ქსელები, მოეწყო მიწისქვეშა კომუნიკაციები. ასევე, მხატვრებისთვის განთავსდა სავაჭრო სტენდები, სადაც შეძლებენ საქმიანობის გაგრძელდებას“, - განაცხადა კახა კალაძემ.

პროექტის ფარგლებში, რომლის ღირებულებამ 1 700 000 ლარი შეადგინა, რესტავრირდა და მოპირკეთდა საყრდენი კედელი, მოეწყო მწვანე თარგები და სარწყავი ქსელი, დამონტაჟდა დეკორატიული სანათები, გარე განათების ქსელი, დამონტაჟდა უსაფრთხოებისა და ვიდეოსამეთვალყურეო კამერების სისტემა. თბილისის მერთან ერთად, ადგილზე, ასევე, მთაწმინდის რაიონის გამგებელი დავით კირკიტაძე, პარლამენტის დეპუტატი ბექა ოდიშარია და გარემოს დაცვის საქალაქო სამსახურის უფროსი გიგა გიგაშვილი იმყოფებოდნენ.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გიორგი ჭიჭინაძე - საპენსიო რეფორმამ ძალიან მოკლე ვადაში დაადასტურა მდგრადობა
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა