გერმანიაში ფედერალური არჩევნები მიმდინარეობს. არჩევნების შედეგად მე-20 ბუნდესტაგის წევრები აირჩევიან, რომლებიც მოგვიანებით გერმანიის ახალ კანცლერს დანიშნავენ.

ანგელა მერკელი, რომელიც გერმანიის კანცლერი 16 წლის განმავლობაში იყო, მიმდინარე არჩევნებში კენჭს აღარ იყრის.

აღნიშნული თანამდებობისთვის 3 ძირითადი კანდიდატი იბრძოლებს. ესენი არიან, ,,მწვანეთა პარტიის“ წარმომადგენელი ანალენა ბერბოკი, ,,ქრისტიან-სოციალური კავშირის“ ალიანსის წევრი არმინ ლაშეტი და ,,ქრისტიან-დემოკრატების“ პარტიიდან, გერმანიის ფინანსთა მინისტრი , ოლაფ შოლცი. სწორედ ოლაფ შოლცმა გაიმარჯვა რამდენიმე დღის წინ გამართულ საარჩევნო დებატებში.

წინასწარი გამოკითხვების მიხედვით, არჩევნებში მონაწილე შვიდი პარტიიდან ხმათა უმრავლესობით "მემარცხენე სოციალ-დემოკრატიული პარტია" ლიდერობს 25 პროცენტით, მას ,,ქრისტიან-დემოკრატიული პარტია“ მოსდევს 22%-ით და ,,ქრისტიან-სოციალისტური კავშირი“ იმავე , 22 პროცენტიანი მაჩვენებლით.

ხმის მიცემის პროცესი ადგილობრივი დროით 8:00 საათზე დაიწყო და 18:00 საათისთვის დასრულდება. პარტიებს ბუნდესტაგში ადგილის მოსაპოვებლად 5%-იანი ბარიერის გადალახვა მოუწევთ.

გერმანიაში ამომრჩეველთა საერთო რაოდენობა 60.4 მილიონ ადამიანს უდრის.