თვითმმართველობის რეფორმასთან დაკავშირებით, მოძრაობა „სირცხვილამ“ დისკუსია გამართა, სადაც მონაწილეობა სხვადახვა ოპოზიციური პარტიის წარმომადგენლებმა მიიღეს.
დისკუსიაზე იმსჯელეს, თუ როგორია მათი ხედვა რეგიონების განვითარების მიმართულებით.
დეცენტრალიზაციისა და ძლიერი თვითმმართველობის დამკვიდრებისთვის ოპოზიციური პარტიების ლიდერებმა დისკუსიის დასასრულს მემორანდუმს ხელი მოაწერეს.
„ეს მემორანდუმი ითვალისწინებს იმას, თუ რა გაკეთდება ადგილობრივი თვითმართველობის შემდეგ ჩვენი მხრიდან პოლიტიკური დეცენტრალიზაციის თვალსაზრისით.
ვხედავთ, რომ პოლიტიკური გადაწყვეტილებები, რომელსაც ადგილობრივი თვითმართველობა უნდა იღებდეს, მიიღება სუს-ის სპეცსამსახურების მიერ. ეს უნდა შეიცვალოს და დეცენტრალიზაციის რეფორმით უნდა დავუბრუნოთ თვითმმართველობებს საკუთარი ფუნქცია“ , - განაცხადა „ნაციონალური მოძრაობის“ წევრმა თინა ბოკუჩავამ.