მკლავჭიდის მსოფლიო ფედერაციის გადაწყვეტილებით, საქართველოს მკლავჭიდის ფედერაცია საერთაშორისო ღონისძიებებიდან დისკვალიფიცირებულია

მკლავჭიდის მსოფლიო ფედერაციის (WAF) აღმასრულებელი საბჭოს გადაწყვეტილებით, საქართველოს მკლავჭიდის ფედერაცია ნებისმიერი მნიშვნელოვანი ღონისძიებიდან (ევროპული და მსოფლიო), ან სხვა საერთაშორისო ღონისძიებებიდან დისკვალიფიცირებულია.

ფედერაციის განმარტებით, დისკვალიფიკაციის მიზეზი 2021 წლის მკლავჭიდის მსოფლიო ჩემპიონატის ჩაშლა გახდა, რომლისთვისაც ორგანიზება საქართველოს უნდა გაეწია. ფედერაციის შეფასებით, აღნიშნულმა მათი იმიჯი დააზიანა და ფინანსურადაც უზარმაზარი ზარალი მიაყენა.

საქართველოს მკლავჭიდის ეროვნულმა ფედერაციამ დისკვალიფიკაციის მოხსნის მიზნით ფინანსური სანქციები უნდა გადაიხადოს.

,,მსოფლიო მკლავჭიდის ფედერაციის (WAF) აღმასრულებელმა საბჭომ მიიღო ეს ძალიან მძიმე გადაწყვეტილება კონტრაქტის სერიოზული დარღვევის გამო. საქართველოს ფედერაციამ ვერ მოახერხა 2021 წლის მსოფლიო მკლავჭიდის და პარამკლავჭიდის ჩემპიონატის ორგანიზება, რითაც შეცდომაში შეიყვანა WAF-ის მენეჯმენტი და წევრები. ამან გამოიწვია უზარმაზარი ფინანსური და იმიჯური თვალსაზრისით ზიანი. დისკვალიფიკაციის დროს ქართველი სპორტსმენები WAF-ის ჩემპიონატებზე ვერ დარეგისტრირდებიან“, - ნათქვამია ფედერაციის განცხადებაში.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს