მიხეილ ყაველაშვილი - მე-18 დაპირებაა მგონი სააკაშვილის მხრიდან, ხან ზღვით გადმოდის, ხან ჰაერით, ხან გვირაბით, ყველა ხუმრობა ამოიწურა მასთან დაკავშირებით

მე-18 დაპირებაა მგონი სააკაშვილის მხრიდან, ხან ზღვით გადმოდის, ხან ჰაერით, ხან გვირაბით, ყველა ხუმრობა ამოიწურა მასთან დაკავშირებით - 18- ჯერ „გადააგდო“ თავის ამომრჩეველი, - ამის შესახებ საპარლამენტო უმრავლესობის წევრმა მიხეილ ყაველაშვილმა ჟურნალისტებთან განაცხადა, რითაც ყოფილი პრეზიდენტის, მიხეილ სააკაშვილის განცხადებას გამოეხმაურა საქართველოში ჩამოსვლასთან დაკავშირებით.

მისი თქმით, სააკაშვილი, ალბათ, სიტუაციას დააკვირდება და იმის მიხედვით იმოქმედებს. ყაველაშვილის განცხადებით, სააკაშვილი დამნაშავეა და ჩამოსვლის შემთხვევაში მას დააკავებენ.

„გულთმისანი არ ვარ, რას იზამს სააკაშვილი, ნამდვილად არ ვფიქრობ მის ჩამოსვლაზე და არჩამოსვლაზე. თუ ჩამოვა, კანონი უნდა აღსრულდეს, ეს ყველამ ვიცით. ყველამ ვიცით, ეს ემსახურება არჩევნების თემას, ალბათ, დააკვირდება სიტუაციას, როგორი იქნება გარემო და იმის მიხედვით იმოქმედებს, ახალი არაფერია. სამწუხაროა, რომ ეს ადამიანი იყო ქვეყნის პირველი პირი და დღეს ასეთ მდგომარეობაშია და ასეთი განცხადებების გაკეთება უწევს. არც პასუხისმგებლობას გრძნობს, მე-18 დაპირებაა მგონი მისი მხრიდან, ხან ზღვით გადმოდის, ხან ჰაერით, ხან გვირაბით აპირებს შემოსვლას, ყველა ხუმრობა ამოიწურა მგონი ამ ადამიანთან დაკავშირებით. ამით ცოცხლობს ეს ადამიანი, ამით ცდილობს, ყურადღების ცენტრში იყოს. იმის იქით, რასაც ის განცხადებას აკეთებს, უბრალოდ საპნის ბუშტია, არაფერი გაუკეთებია და ასე მართავდა ქვეყანას. მიხეილ სააკაშვილმა თავის ამომრჩეველი 18- ჯერ „გადააგდო", - განაცხადა ყაველაშვილმა.

ცნობისათვის, მიხეილ სააკაშვილის განცხადებით, საქართველოში 2 ოქტომბრის საღამოს ჩამოვა. მან სოციალურ ქსელში ნაყიდი ბილეთიც გამოაქვეყნა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს