ქვიშის ფრენბურთში საქართველოს ტექნიკური უნივერსიტეტის გოგონათა გუნდმა ეროვნული ჩემპიონის ტიტული მოიპოვა

საქართველოს ტექნიკური უნივერსიტეტის ინფორმაციით, ქვიშის ფრენბურთში საქართველოს ტექნიკური უნივერსიტეტის გოგონათა გუნდმა, მიმდინარე წლის საქართველოს ეროვნულ ჩემპიონატზე გამარჯვება მოიპოვა. გოგონებმა ფინალში საქართველოს უნივერსიტეტის გუნდი დაამარცხეს. საქართველოს ფრენბურთის ეროვნულმა ფედერაციამ გამარჯვევულებს ფულადი ჯილდო, 1500 ლარი გადასცა.

გუნდს ეროვნულ ჩემპიონატში გამარჯვებას საქართველოს ტექნიკური უნივერსიტეტის რექტორი, პროფესორი დავით გურგენიძე, უნივერსიტეტის ადმინისტრაცია, პროფესორ-მასწავლებლები და სტუდენტები ულოცავენ. რამდენიმე დღის წინ უნივერსიტი მსგავსი გამარჯვებით, ქვიშის ფრენბურთში სტუ-ის ვაჟთა გუნდმაც გაახარა, რომელმაც ასევე საქართველოს ჩემპიონის ტიტული მოიპოვა.

„ეროვნული ჩემპიონატის ფარგლებში, ეს საქართველოს ტექნიკური უნივერსიტეტის სტუდენტთა მეორე მნიშვნელოვანი გამარჯვებაა. ვულოცავ ჩვენი უნივერსიტეტის გოგონათა გუნდს, მათ ღირსეულად და დამსახურებულად მოიპოვეს ჩემპიონის ტიტული! ქვეყნის ჩემპიონის ტიტულის ფლობა, ნებისმიერი უნივერსიტეტისათვის უმნიშვნელოვანესი მოვლენაა. საქართველოს ტექნიკური უნივერსიტეტი კიდევ უფრო აქტიურად გააგრძელებს საუნივერსიტეტო სპორტის განვითარებას, სპორტული ტრადიციების აღორძინებასა და ახალგაზრდა თაობებში სპორტის სხვადასხვა სახეობის პოპულარიზაციას. ასევე ძალისხმევას არ დავიშურებთ, იმ სტუდენტების წახალისებისათვის, რომლებიც წარმატებული სპორტსმენები არიან. საქართველოს ტექნიკური უნივერსიტეტის აკადემიურ საბჭოსთან შეთანხმებით, აღნიშნული გადაწყვეტილება უკვე მიღებულია“, - განაცხადა დავით გურგენიძემ.

ტექნიკური უნივერსიტეტის ინფორმაციით, ქვიშის ფრენბურთში საქართველოს 2021 წლის ეროვნული ჩემპიონატი, ფრენბურთის ეროვნული ფედერაციის ორგანიზებითა და საქართველოს კულტურის, სპორტისა და ახალგაზრდობის სამინისტროს მხარდაჭერით ჩატარდა.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
პაატა დავითაია - ვინც საპარლამენტო არჩევნების წინ ფართო გაერთიანების მოდელს შესთავაზებს ამომრჩეველს, მოგებაც მის მხარეს იქნება - ვინც ამ სისტემით გავა არჩევნებზე, ის მინიმუმ გაყოფს ხელისუფლებას, მაქსიმუმ - მოიპოვებს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს