მედეა ჯანიაშვილი - საკარანტინო და კოვიდ სასტუმროების პროექტი ერთ-ერთი საუკეთესო მაგალითია კერძო და საჯარო სექტორის პარტნიორობის

ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგანიზებით, საკარანტინე და კოვიდ სასტუმროების წარმომადგენლების დაჯილდოების ცერემონია გაიმართა. ამის შესახებ ინფორმაციას ტურიზმის ეროვნული ადმინისტრაცია ავრცელებს.

მათივე ინფორმაციით, მადლობის სიგელები და ჯილდოები საკარანტინე პროექტში ჩართულ განთავსების ობიექტებს საქართველოს ეკონომიკისა და მდგრადი განვითარების მინისტრმა ნათია თურნავმა, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ეკატერინე ტიკარაძემ, ეკონომიკისა და მდგრადი განვითარების მინისტრის მოადგილე მარიამ ქვრივიშვილმა და ჯანდაცვის მინისტრის მოადგილე თამარ გაბუნიამ გადასცეს.

პროექტში მთელი ქვეყნის მასშტაბით 2020 წლის მარტიდან 250-მდე სასტუმრო იყო ჩართული. სასტუმროებსა და სატრანსპორტო კომპანიებში 5000-მდე ადამიანი დასაქმდა. პროექტის ფარგლებში კი 180,000-მდე ადამიანს გაეწია მომსახურება.

„ჩვენთვის ეს პროექტი არის ერთ-ერთი საუკეთესო მაგალითი კერძო და საჯარო სექტორის პარტნიორობის, კერძო სექტორის მხრიდან გამოვლენილი მაღალი სოციალური პასუხისმგებლობის და თითოეული მათი თანამშრომლის აქტიური, დაუღალავი შრომის. პროექტში ჯამში 250-მდე სასტუმრო იყო ჩართული, ეს არის დაახლოებით 5000-მდე დასაქმებული ადამიანი. ჩვენ ერთობლივად ვუმასპინძლეთ და მოვემსახურეთ 180 000-მდე ადამიანს. აღსანიშნავია, რომ პროექტში განთავსების ობიექტებთან ერთად, სადეზინფექციო, სატრანსპორტო, კვებითი და სასმელებით უზრუნველყოფის კომპანიები მონაწილეობდნენ და მათი წვლილი უაღრესად მნიშვნელოვანია“, - განაცხადა მედეა ჯანიაშვილმა.

თბილისის პარალელურად სასტუმროების წარმომადგენლებს ჯილდოები გადაეცათ მთელი ქვეყნის მასშტაბით. იმერეთსა და რაჭა-ლეჩხუმში, სამეგრელო-ზემო სვანეთის მხარეში კერძო სექტორის წარმომადგენლებს ჯილდოები ტურიზმის ეროვნული ადმინისტრაციის ხელმძღვანელის მოადგილემ თამარ ყორიაულმა ადგილობრივ ხელისუფლების წარმომადგენლებთან ერთად გადასცა.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 20.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს