შსს-ს ინფორმაციით, IDFI ანგარიშის თანახმად, სამინისტრო ინფორმაციის პროაქტიული გამოქვეყნების პრაქტიკით საქართველოში მოწინავე საჯარო დაწესებულებაა

ინფორმაციის თავისუფლების განვითარების ინსტიტუტმა დღეს საქართველოს საჯარო დაწესებულებებში საჯარო ინფორმაციის პროაქტიული გამოქვეყნების პრაქტიკის შესახებ ანგარიში გამოაქვეყნა.

ანგარიშში პოზიტიურად არის შეფასებული შინაგან საქმეთა სამინისტროს მიერ საჯარო ინფორმაციის პროაქტიული გამოქვეყნების მაჩვენებლები და ის ყველაზე მაღალი (100%)-იან მაჩვენებლით არის ასახული.

"2021 წელს, შესაბამისი სამართლებრივი აქტის მოთხოვნების დაცვით მხოლოდ 6 საჯარო დაწესებულებას (საქართველოს პარლამენტი, შინაგან საქმეთა სამინისტრო, სტატისტიკის ეროვნული სამსახური, აჭარის ა/რ-ის უმაღლესი საბჭო, საფინანსო-ანალიტიკური სამსახური, განათლების ხარისხის განვითარების ეროვნული ცენტრი) ჰქონდა სრულყოფილად (100%-ით) გამოქვეყნებული ინფორმაცია.

„მონიტორინგის შედეგების მიხედვით, საქართველოს ცენტრალური საჯარო დაწესებულებების (პარლამენტის აპარატი, მთავრობის ადმინისტრაცია, სამინისტროები) საჯარო ინფორმაციის პროაქტიული გამოქვეყნების მაჩვენებლები 31%-დან 100%-მდე მერყეობს. მათ შორის, ყველაზე მაღალი (100%) შედეგი, განვლილი წლის მსგავსად საქართველოს პარლამენტმა და შინაგან საქმეთა სამინისტრომ აჩვენა.

საქართველოს შინაგან საქმეთა სამინიტროს შემთხვევაში, ვებ-გვერდზე პროაქტიულად გამოქვეყნებული ინფორმაცია, სრულად აკმაყოფილებს საქართველოს მთავრობის დადგენილებით დაწესებულ მოთხოვნებს. შინაგან საქმეთა სამინისტრო წარმოადგენს ერთ-ერთ იშვიათ გამონაკლისს, რომელიც საჯარო ინფორმაციის გვერდზე დოკუმენტაციას აქვეყნებს როგორც ქართულ, ასევე ინგლისურ ენებზე.

გარდა ამისა, საჯარო ინფორმაციის პროაქტიული გამოქვეყნების რეიტინგის მიხედვით (2021 წლის აგვისტო-სექტემბრის მონიტორინგის შედეგები) შინაგან საქმეთა სამინისტრო 100%-იანი მაჩვენებელი აქვს. სამინისტროებს დაქვემდებარებულ უწყებებს შორის ინფორმაციის პროაქტიულად ხელმისაწვდომობის მაჩვენებელი ყველაზე მეტად სსიპ დაცვის პოლიციამ (+ 45%) და სსიპ 112-მა (+44%) გააუმჯობესეს.

IDFI-ის მიერ გამოქვეყნებული ანგარიშში წარმოდგენილია საქართველოში საჯარო ინფორმაციის პროაქტიული ხელმისაწვდომობის შეფასება 2021 წლის სექტემბრის მდგომარეობით და მოცემულია ინფორმაციის პროაქტიული ხელმისაწვდომობის ტენდეციები განვლილ წლებთან შედარებით. ანგარიში მოიცავს ასევე საჯარო დაწესებულებათა პროაქტიული გამჭვირვალობის რეიტინგებს. საჯარო ინფორმაციის პროაქტიული გამოქვეყნება საქართველოს მიერ ღია მმართველობის პარტნიორობის (OGP) ფარგლებში აღებულ ვალდებულებათა შორის ერთ-ერთი უმნიშვნელოვანესია”, - აღნიშნულია ინფორმაციაში.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
ქართული პრესის მიმოხილვა 25.10.2021
ჰუმანური შრომითი პოლიტიკა - რას ნიშნავს შრომით ბაზარზე გამოჩენილი ახალი ტენდენცია
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
BDO: ყველაზე ცნობადი ბრენდი საქართველოს ბიზნეს საკონსულტაციო კომპანიების ბაზარზე
„მიჰაუსში“ ჰელოუინთან დაკავშირებით დიდი ფასდაკლება დაიწყო
ამბასადორი ბათუმი აილენდი მულტიფუნქციური ხელოვნური კუნძულის მშენებლობისთვის ტექნიკურ კვლევებს აწარმოებს
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა