ნიკა მელიას განცხადებით, თბილისში მეორე ტური განსაზღვრავს, ვინ იქნება მერი, თუმცა პირველ ტურში ოპოზიცია საკრებულოში უმრავლესობით იქნება წარმოდგენილი

„ნაციონალური მოძრაობის“ თავმჯდომარის, ნიკა მელიას განცხადებით, თბილისის მერობის არჩევნებში სავარაუდოდ, მეორე ტური დაინიშნება.

როგორც მან ოპოზიციური პარტიების შემაჯამებელ პრესკონფერენციაზე აღნიშნა, მეორე ტური განსაზღვრავს, თუ ვინ იქნება დედაქალაქის მერი, თუმცა პირველ ტურში ოპოზიცია საკრებულოში უმრავლესობით იქნება წარდგენილი და „2 ოქტომბერს შეგვეძლება თქმა, რომ ხელისუფლებამ წააგო თბილისი“.

„ძალიან მაინტერესებს რომელ პოლიტიკურ ლიდერს სთხოვს „ქართული ოცნება“ ჩაატაროს ბრიფინგი და საზოგადოებას ამცნოს, რომ ნიშნავენ ახალ საპარალამენტო არჩევნებს. მათ მოუწევთ ამის გაკეთება, რადგან არჩევნებს აგებენ არა რომელიმე პოლიტიკურ პარტიასთან, არამედ ქართველ ხალხთან. ქართველი ხალხი აბუჩად თავს აღარ აიგდებს ბიძინა ივანიშვილის რეჟიმთან.

რაც შეეხება კახა კალაძეს, ამას 2 ოქტომბერს ვნახავთ, არ ვიქნები ადამიანი, რომელიც ტყუილს იტყვის, თბილისში, რა თქმა უნდა, არის მეორე ტური. იმედი მაქვს, რომ მეორე ტურში ბატონი კალაძე იპოვის ძალას და ყველა ტელეკომპანიაში დაჯდება რეალურ დებატებში.

მეორე ტური იქნება თბილისში და განსაზღვრავს ვინ იქნება დედაქალაქის მერი. მაგრამ, პირველ ტურში თბილისში გაიმარჯვებს და ოპოზიცია უკვე იქნება უმრავლესობით წარმოდგენილი საკრებულოში. 2 ოქტომბერს შეგვეძლება თქმა, რომ ხელისუფლებამ წააგო თბილისი. ამას კვლევებიც აჩვენებს, რომ ხელისუფლება პირწმინდად მარცხდება ოპოზიციასთან. თუ რა იქნება მეორე ტურში, ამას ვნახავთ“, - აღნიშნა კახა კალაძემ.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 18.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს