ქუთაისის უნივერსიტეტის იუბილესთან დაკავშირებით სამეცნიერო პრაქტიკული კონფერენცია გაიმართება

2021 წლის 4 ოქტომბერს, ქუთაისის უნივერსიტეტის 30 წლის იუბილესთან დაკავშირებით სამეცნიერო - პრაქტიკული კონფერენცია გაიმართება. ამის შესახებ ინფორმაციას ქუთაისის უნივერსიტეტი ავრცელებს.

მათი ინფორმაციით, პანდემიური მდგომარეობის გათვალისწინებით, კონფერენცია დისტანციურად გაიმართება, ელექტრონული პლატფორმა ZOOM- ის გამოყენებით.

„კონფერენციის მიზანია სამეცნიერო წრეებში მოხდეს რიგი საკითხების განხილვა, მათ შორის Covid-19-თან დაკავშირებული პრობლემები, მათი გადაწყვეტის გზები ეკონომიკაში, ბიზნესსა და მედიცინაში.

კონფერენცია, რომელიც ქუთაისის უნივერსიტეტის 30 წლის იუბილესადმია მიძღვნილი, უნივერსიტეტი ორგანიზებით ჩატარდება და მასში მონაწილეობას მიიღებენ როგორც ქართველი, ასევე უნივერსიტეტის პარტნიორი უცხოური სასწავლებლების პროფესორები.

სამეცნიერო პრაქტიკული კონფერენცია 4 ოქტომბერს, 11:00 საათზე დაიწყება და მას უნივერსიტეტის რექტორი გოჩა თუთბერიძე გახსნის. კონფერენციაზე დასწრება შეეძლება უნივერსიტეტის სტუდენტებს.

ქუთაისის უნივერსიტეტი 1991 წელს „სამართლისა და ეკონომიკის ინსტიტუტის“ სახელით დაფუძნდა, რომელიც რეგიონში პირველ კერძო ავტორიზებულ უმაღლეს საგანმანათლებლო დაწესებულებას წარმოადგენდა. დაფუძნების დროს უნივერსიტეტს ეკონომიკისა და სამართლის საბაკალავრო პროგრამები ჰქონდა, ამჟამად უნივერსიტეტს სამივე საფეხურზე (ბაკალავრი, მაგისტრატურა, დოქტორანტურა) აქვს ავტორიზაცია, მათ შორის გასულ წელს უნივერსიტეტს მედიცინის ფაკულტეტი შეემატა“,- აღნიშნულია ინფორმაციაში.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს