საქართველოს პრეზიდენტი - მნიშვნელოვანია, რომ ღვინის „ბლოკჩეინის“ კონსორციუმის ფარგლებში ქალი მეღვინეების ხელშეწყობა მოხდება

საქართველოს პრეზიდენტი სალომე ზურაბიშვილი ღვინის „ბლოკჩეინის“ კონსორციუმის დამფუძნებელ ღონისძიებას დაესწრო, რომელიც WiV Technology-სა და საქართველოს ღვინის სააგენტოს მიერ განხორციელებული პროექტია და მოწვეულ სტუმრებს სიტყვით მიმართა.

როგორც ზურაბიშვილმა აღნიშნა, საქართველო, როგორც ღვინის სამშობლო, ამ კონსორციუმის დასაფუძნებლად შეარჩიეს.

„მსურს გულწრფელად მივესალმო მსოფლიოში პირველი ღვინის „ბლოკჩეინის“ კონსორციუმის დაფუძნებას. ვფიქრობ, რომ ფაქტი, რომ ეს კონსორციუმი საქართველოში ფუძნდება პირველად მსოფლიოში, არ არის შემთხვევითი. საქართველო, როგორც ღვინის სამშობლო, ნამდვილად იმსახურებს, რომ ღვინის ინდუსტრიის განვითარებაში საჭირო ტექნოლოგიური ინოვაციების დანერგვა და გამოყენება ერთ-ერთი პირველი სწორედ ჩვენი ქვეყნიდან დაიწყოს.

სწორედ საქართველო, როგორც ღვინის სამშობლო, იქნა შერჩეული ამ კონსორციუმის დასაფუძნებლად. ეს იქნება პირველი ღვინის ინდუსტრიის დეცენტრალიზებული ბლოკჩეინის კონსორციუმი მსოფლიოში, რომელსაც ,,ვივ ტექნოლოჯისთან“ ერთად საქართველო და ღვინის სააგენტო განახორციელებს.

უმნიშვნელოვანესია, რომ ეს ინოვაციური ტექნოლოგია ხელს შეუწყობს ღვინის ხარისხის ვერიფიკაციას, მისი გაყიდვების და მარკეტინგის ეფექტიანობის გაზრდას, მეღვინეობებისათვის დამატებითი კაპიტალისა და ფინანსების მოზიდვას, საექსპორტო პროცედურების გამარტივებასა და რაც ყველაზე მნიშვნელოვანია, ქართული ღვინის ხარისხისა და ფასის ამაღლებას.

განსაკუთრებით მოხარული ვარ, რომ კონსორციუმის ფარგლებში მოხდება მნიშვნელოვანი ხელშეწყობა ქალი მეღვინეებისადმი, შესაბამისი სპეციალური პროგრამებისა და გადამზადების მეშვეობით.

მინდა მივესალმო იმ ფაქტს, რომ ქართული ღვინო უკვე წარმატებით იყიდება ბლოკჩეინ პლატფორმებზე. ეს კარგი პრეცედენტი მაგალითია სხვა მეღვინეობებისთვისაც, რომელთაც კონსორციუმი საშუალებას მისცემს მარტივად გაყიდონ თავიანთი ღვინო მსოფლიოს სხვადასხვა ბაზარზე.

დეცენტრალიზებული ფინანსების ახალი ტექნოლოგია საშუალებას იძლევა დიდი რაოდენობის ფინანსებისა და კაპიტალის ინვესტირებისა სხვადასხვა ინდუსტრიებში, კოსორციუმის ფარგლებში მხოლოდ ღვინისათვის დაგეგმილია ასეთი 100 მილიონამდე ინვესტირების მოზიდვა ქართული მეღვინეობების ხელშესაწყობად“, - განაცხადა საქართველოს პრეზიდენტმა.

პრეზიდენტის ადმინისტრაციის ინფორმაციით, კონსორციუმის სადამფუძნებლო ღონისძიებაში მონაწილეობდნენ: გარემოს დაცვისა და სოფლის მეურნეობის მინისტრი ლევან დავითაშვილი, ნორვეგიის სამეფოს საგანგებო და სრულუფლებიანი ელჩი საქართველოში ჰელენ სანდ ანდერსენი, Wiv Technology-ის რეგიონული დირექტორი ლევან ბოძაშვილი.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 20.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს