გიგა ბოკერია - „ქართული ოცნების“ კამპანიაზე პასუხისმგებელი არის დამკვეთი, ანუ ივანიშვილი და მისი გარემოცვა

„ქართული ოცნებისა“ და ივანიშვილის რეჟიმის მთელი ბიოგრაფია არის ამ ტიპის სიბინძურის ნიაღვარი, - ასე ეხმაურება „ევროპული საქართველოს“ თავმჯდომარე, გიგა ბოკერია „ქართული ოცნების“ წინასაარჩევნო კამპანიასა და კონსულტანტზე დასმულ შეკითხვას.

ბოკერიას თქმით, "ქართულ ოცნებას" იმიტომ აიგივებენ "ცხოველთა ფერმასთან," რომ მას არაფერი აქვს სათქმელი.

„აქ პრობლემა ის კი არ არის, რომ კონსულტანტმა რაღაც ურჩია, კონსულტანტი შეიძლება იყოს ნებისმიერი ადამიანი და ნებისმიერი ქვეყნიდან, ხაზგასმა ხდება ხოლმე, რომ ის უცხოელია. პასუხისმგებელი არის დამკვეთი ანუ ივანიშვილი და მისი გარემოცვა, კონსულტანტი აკეთებს იმას, რასაც დაუკვეთავენ. „ქართული ოცნებისა“ და ივანიშვილის რეჟიმის მთელი ბიოგრაფია არის ამ ტიპის სიბინძურის ნიაღვარი. ყველა წინა არჩევნებზეც რასაც ვხედავდით, ახლაც იმავეს ვხედავთ, ახლა უბრალოდ გახარია დაემატა „ქართული ოცნების“ მეორე ფრთისთვის, რომელთა შორისაც ბზარი გაჩნდა. ყოველთვის ასე იქცეოდა, იმიტომ რომ არაფერი არ აქვს სათქმელი, ამიტომ ვაიგივებთ „ცხოველების ფერმასთან", იქაც ოპონენტების დემონიზება უნდა მოხდეს, რათა სრულიად დაიმონონ ადამიანების თავისუფალი ნება“, - განაცხადა ბოკერიამ.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს