ვატო შაქარიშვილი - ოპოზიციისთვის ევროპარლამენტარების აზრი სავალდებულოა მაშინ, როდესაც „ოცნებას“ აკრიტიკებენ, მაგრამ მიუღებელია თუ მათ კონსტრუქციულობისკენ მოუწოდებენ

ოპოზიციისთვის ევროპარლამენტარების აზრი სავალდებულოა მაშინ, როდესაც „ოცნებას“ აკრიტიკებენ, მაგრამ მიუღებელია თუ მათ კონსტრუქციულობისკენ მოუწოდებენ, - ამის შესახებ საბურთალოს მაჟორიტარობის დამოუკიდებელმა კანდიდატმა ვატო შაქარიშვილმა „პალიტრანიუსის“ ეთერში გადაცემაში "დღის ნიუსრუმი" განაცხადა.

მან მიმდინარე პოლიტიკური მოვლენები შეაფასა და აღნიშნა, რომ ოპოზიცია არ აწარმოებს საარჩევნო კამპანიას. ისინი აბსოლუტურად აცდენილები არიან მოსახლეობის ინტერესებს და მათი ერთადერთი მიზანი პოსტ - საარჩევნო პერიოდისთვის მზადებაა.

„სიახლე არ იქნება, თუ ისინი ეცდებიან სიტუაციის არევას, დესტაბილიზაციას. რა თქმა უნდა, ამ სცენარის ნაწილი საქართველოში სააკაშვილის ჩამოსვლის საკითხიცაა“, - აღნიშნავს შაქარიშვილი.

დამოუკიდებელი კანდიდატის თქმით, მოსახლეობა ხელისუფლების მხრიდან მკაფიო და ადეკვატურ რეაქციას ელოდება და არა ისეთ მდაბიო იუმორნარევ კომენტარებს, რასაც ხელისუფლების ცალკეული წარმომადგენლები აკეთებენ.

„როგორც ჩანს, მათ ავიწყდებათ, რომ მათი ვალდებულება სააკაშვილის აქ ჩამოყვანა და მართლმსაჯულების წინაშე დაყენება იმ დანაშაულებისთვის, რაც მას ქართველი ხალხის და სახელმწიფოს წინაშე აქვს ჩადენილი“, - აცხადებს შაქარიშვილი.

დამოუკიდებელი კანდიდატის თქმით, სახეზეა ორმაგი სტანდარტი, რომელიც საზოგადოებამ ევროპარლამენტარების განცხადებების შეფასებების სახით იხილა და რომლებიც ოპოზიციას პირადი ინტერესების ნაცვლად ქვეყნის ინტერესების დაცვისკენ მოუწოდებენ.

„ოპოზიციისთვის ევროპარლამენტარების აზრი სავალდებულოა მაშინ, როდესაც ოცნებას აკრიტიკებენ, მაგრამ მიუღებელია თუ მათ კონსტრუქციულობისკენ მოუწოდებენ“, - აცხადებს შაქარიშვილი.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 20.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს