ნათია თურნავა - სამწუხაროა, რომ ზოგჯერ ინვესტორს მოთმინება ღალატობს

არაფერია განსაკუთრებული იმაში, რომ პროექტი პროცესში შეიძლება უფრო მეტად სრულყოფილი იყოს, სწორედ ამისკენაა მიმართული ჩვენი ყველა მცდელობა - სამწუხაროა, რომ ზოგჯერ ინვესტორს მოთმინება ღალატობს, - ამის შესახებ ეკონომიკისა და მდგრადი განვითარების მინისტრმა, ნათია თურნავამ ჟურნალისტებს „ნამახვანჰესის“ პროექტის გაუქმებასთან დაკავშირებით განუცხადა.

ამასთან, როგორც თურნავამ აღნიშნა, „ნამახვანჰესის“ პროექტი ძალიან მნიშვნელოვანია.

„ჩვენს ნებისმიერ განცხადებაში ხაზს ვუსვამთ, რამდენად მნიშვნელოვანია ქვეყნის ენერგეტიკული განვითარებისთვის, დამოუკიდებლობისთვის და უსაფრთხოებისთვის „ნამახვანჰესის“ პროექტი. ესაა ძალიან მნიშვნელოვანი და ამ პროექტების ერთგულები ვრჩებით. თუმცა ნებისმიერი პროექტი, რომელიც აწყდება მოსახლეობის მხრიდან წინააღმდეგობას, გარემოს დამცველების კითხვებს, შეიძლება იყოს უფრო მეტად სრულყოფილი. აქეთკენ იყო მიმართული ჩვენი მცდელობები. ეს არ არის ქართული ფენომენი, მსგავსი ტიპის დიდი პროექტები სხვა ქვეყნებშიც აწყდება წინააღმდეგობას და არაფერია განსაკუთრებული იმაში, რომ პროექტი პროცესში შეიძლება იყოს უფრო მეტად სრულყოფილი. სწორედ იმისკენაა მიმართული ჩვენი ყველა მცდელობა - მედიაცია, დამატებით კვლევები, რომ პროექტი უფრო უსაფრთხო და განხორციელებადი გახდეს. სამწუხაროა, რომ ზოგჯერ ინვესტორს მოთმინება ღალატობს, მაგრამ ჩვენ დარწმუნებულები ვართ, ერთობლივად შევძლებთ მივიდეთ საერთო ნიშნულამდე“, - განაცხადა თურნავამ.

ცნობისთვის, 22 სექტემბერს „ENKA Renewables“-მა საქართველოს მთავრობასთან ხელშეკრულება გაწყვიტა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს