ნინო ლომჯარია - ჩემთვის, როგორც სახალხო დამცველისთვის პრიორიტეტული პრობლემა არის ის, რომ სუს-ი მაღალი ალბათობით უკანონოდ უსმენს მოქალაქეების განუსაზღვრელ რაოდენობას

ჩემთვის, როგორც სახალხო დამცველისთვის უპირველესი და პრიორიტეტული პრობლემა არის ის, რომ სახელმწიფო უსაფრთხოების სამსახური ძალიან მაღალი ალბათობით უკანონოდ უსმენს მოქალაქეების განუსაზღვრელ რაოდენობას, აგროვებს მათზე იმ ტიპის ინფორმაციას, რაც არ შეიძლება იყოს სახელმწიფო ინსტიტუტების ინტერესის საგანი და არავინ იცის, შემდგომ რა მიზნით იყენებს ამ ინფორმაციას, - ამის შესახებ სახალხო დამცელმა ნინო ლომჯარიამ ჟურნალისტებს განუცხადა.

რაც შეეხება მედიის მხრიდან ე.წ. სუს-ის ფაილების გასაჯაროვებას, ომბუდსმენის შეფასებით, ეს მაღალ საჯარო ინტერესს ემსახურება და აქამდე, მისივე დაკვირვებით, მედიას პერსონალური და პირადი ინფორმაციის დაცულობის სტანდარტი არ დაურღვევია.

„ამიტომ ვფიქრობ, რომ მთავარ პრობლემაზე უნდა გავაკეთოთ აქცენტი, იმაზე, რომ უკანონოდ გროვდება ათასობით ადამიანზე ინფორმაცია. რაც შეეხება მედიის ქმედებებს, ძალიან ყურადღებით ვაკვირდები ამ ინფორმაციის გაშუქებას მედიაში. თუკი იქნება ისეთი ფაქტები, რომ ამ ინფორმაციის გაშუქებით უხეშად შეილახება ვინმეს უფლება, გვექნება რეაგირება. თუმცა, ამ ეტაპისთვის, მედიის წარმომადგენლები მეტწილად იცავენ სტანდარტს, რასაც პერსონალური და პირადი ინფორმაციის დაცულობა ჰქვია. მე ვიცნობ ამ ფაილების ნაწილს და იქ არის ძალიან სენსიტიური ინფორმაცია, რაც არ უნდა გაშუქდეს. დარწმუნებული ვარ, ყველა მედიასაშუალება არის ძალიან დიდი ცდუნების ქვეშ, რომ ეს ინფორმაციები იყოს გამოჟონილი. ყველა მედიასაშუალებას მოვუწოდებ, რომ მაქსიმალურად შევიკავოთ თავი პირების იდენტიფიცირებისგან და თუ არ არსებობს მაღალი საჯარო ინტერესი, ამ ტიპის ინფორმაციები არ უნდა გაშუქდეს. თუმცა, მივიჩნევ, რომ მედიის მხრიდან ამ ტიპის ინფორმაციის გაშუქება ემსახურება საჯარო ინტერესებს, იმ ინტერესს, რომ საზოგადოებამ იცოდეს - სამწუხაროდ, ქვეყანაში ძალიან მაღალი ალბათობით ხდება პირად ცხოვრებაში უკანონო ჩარევა სახელმწიფოს მხრიდან“, - აღნიშნა ლომჯარიამ.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 21.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს