ადგილობრივი თვითმმართველობის არჩევნებში მონაწილე პოლიტიკური ორგანიზაციები ანგარიშვალდებულების და გამჭვირვალობის პრინციპებზე შეთანხმდნენ

2021 წლის 2 ოქტომბრის ადგილობრივი თვითმმართველობის ორგანოთა არჩევნებში მონაწილე პოლიტიკური პარტიები შეუერთდნენ პოლიტიკურ დეკლარაციას, - ამის შესახებ ინფორმაციას „მმართველობითი სისტემების განვითარების ცენტრი“ ავრცელებს.

მათივე ცნობით, დეკლარაციაზე ხელმოწერით ისინი იღებენ პოლიტიკურ პასუხისმგებლობას, რომ არჩევნებში წარმატების შემთხვევაში, მათი წარმომადგნლები მიმართავენ ძალისხმევას ადგილობრივი თვითმმართველობის ორგანოების გამჭვირვალობის, ანგარიშვალდებულებისა და გადაწყვეტილების მიღების პროცესში მოქალაქეთა მონაწილეობის გაუმჯობესებისათვის.

დეკლარაცია შედგება შვიდი პრინციპისგან, რომელიც მოიცავს:

რეგულარული ურთიერთობა ამომრჩევლებთან როგორც უშუალო შეხვედრებით, ასევე კომუნიკაციის ელექტრონული საშუალებების გამოყენებით; მოქალაქეთა ჩართულობა გადაწყვეტილების მიღების პროცესში; საკრებულოსთვის პეტიციით მიმართვის პროცედურების გამარტივება და ელექტრონულ ფორმატში გადაყვანა; ადგილობრივი თვითმმართველობის ორგანოების საქმიანობის გამჭვირვალობის გაზრდა; „ერთი ფანჯრის პრინციპის“ და ინოვაციური ელექტრონული მომსახურების დანერგვა; ადგილობრივი თვითმმართველობის ორგანოების საქმიანობის მოქალაქეებისათვის ადვილად გასაგები მოდელის შეთავაზება; ინკლუზიური და ინტერესთა ჯგუფის საჭიროებათა მექანიზმებზე დაფუძნებული პოლიტიკის ფორმირების ხელშეწყობა.

აღნიშნული პრინციპების განხორციელებაზე პოლიტიკური პასუხისმგებლობა აიღეს შემდეგმა პოლიტიკურმა ორგანიზაციებმა და დეკლარაციას ხელი მოაწერეს:

1.პოლიტიკური მოძრაობა „დროას“ სახელით - ელენე ხოშტარიამ

2. „ერთიანი ნაციონალური მოძრაობის“ სახელით - ნიკა მელიამ

3. „გირჩი - მეტი თავისუფლება“ სახელით - ზურაბ(გირჩი) ჯაფარიძემ

4. „ევროპული საქართველო-მოძრაობა თავისუფლებისთვის“ სახელით - გიგა ბოკერიამ

5. „ლელო“-ს სახელით - მამუკა ხაზარაძემ

6. „მესამე ძალა-სტრატეგია აღმაშენებელი" სახელით - გიორგი ვაშაძემ

7. „ლეიბორისტული“ (შრომის) პარტიის სახელით - ნინო მეტრეველმა

ზოგიერთმა პოლიტიკურმა პარტიამ არჩევნებამდე თავი შეიკავა ხელმოწერისგან.

დეკლარაცია ღიაა ხელმოწერებისათვის.

დეკლარაციის ტექსტი შემუშავებულია და პროცესი ორგანიზებულია კოალიცია „ადგილობრივი თვითმმართველობისა და დემოკრატიისთვის“ შემავალი ორგანიზაციების „სამოქალაქო კულტურის საერთაშორისო ცენტრის“ და „მმართველობითი სისტემების განვითარების ცენტრის“ მიერ“, - აღნიშნულია ინფორმაციაში.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს