ნათია თურნავა იტალიური პურისა და სხვადასხვა ნახევარფაბრიკატის საწარმო „რომივერიას" გახსნას დაესწრო

მცირე ბიზნესი ყველაზე კარგი გამტარია ეკონომიკური ზრდისა და სიღარიბის დაძლევის ამოცანებს შორის, მცირე ბიზნესი არის გარანტია, რომ შემოსავალი, რომელიც შიდა თუ გარე ბაზარზე პროდუქციის რეალიზაციით შემოვა, უფრო მეტად გადანაწილდება ადამიანების, ოჯახების სასარგებლოდ, აქედან გამომდინარე, ძალიან მიხარია, რომ ეს შესანიშნავი საწარმო შეიქმნა და მაქვს იმედი, რომ ამას არსებულმა, კარგმა საინვესტიციო გარემომ შეუწყო ხელი, - ამის შესახებ ეკონომიკისა და მდგრადი განვითარების მინისტრმა, ნათია თურნავამ თბილისში, საწარმო „რომივერია"-ს გახსნის ღონისძიებაზე განაცხადა, რომელიც სხვადასხვა სახეობის იტალიურ ბრტყელ პურს, პიადინას და ასევე ნახევარფაბრიკატებს აწარმოებს.

პროდუქციის რეალიზაცია როგორც შიდა, ასევე საექსპორტო ბაზრებზე იგეგმება. ეკონომიკის მინისტრის შეფასებით, საქართველოს საექსპორტო კომპანიების უმეტესობა არის სწორედ მცირე და საშუალო ბიზნესი და მნიშვნელოვანია, რომ მცირე ბიზნესი აჩვენებს შესაძლებლობას, ექსპორტზე გავიდეს.

„ჩვენ ბიზნესის დახმარების ძალიან ბევრი პროგრამა გვაქვს, გვქონდა პრეზენტაცია და გავაცანით საზოგადოებას, რომ ბოლო შვიდი წლის განმავლობაში 1806 ბენეფიციარი დაფინანსდა სახელმწიფოს მიერ და ეს მონაცემები ინტერაქტიულ რუკაზეც იქნება გამოქვეყნებული, ჯერჯერობით, თქვენს კომპანიას არ გისარგებლიათ ჩვენი პროგრამებით, თუმცა, როდესაც თქვენი საწარმო განვითარდება, გაფართოვდება, დივერსიფიკაციას მოახდენთ, ახალ პროდუქციას გამოუშვებთ და ახალ ბაზრებზე გახვალთ, არ დაგავიწყდეთ, რომ ამ დროს თქვენს გვერდით არის ეკონომიკის სამინისტრო, ჩვენი სახელმწიფო პროგრამები და თუ დაგჭირდებათ გადაიარაღება, გაფართოება, მარკეტინგული თანადგომა თუ ექსპორტში დახმარება - მოგვაკითხეთ და სიამოვნებით დაგიდგებით გვერდში", - აღნიშნა ნათია თურნავამ.

კომპანია „რომივერიას" ჯამური ინვესტიცია 1.000.000 ევროს აღწევს, ობიექტზე კი დასაქმებული იქნება 35 ადამიანი. საწარმოში ინტეგრირებულია ISO:22000 და HACCP ის სისტემები, ასევე, სრულად არის გათვალისწინებული სურსათის ეროვნული სააგენტოს მიერ გაცემული მითითებები. „რომივერია" აღჭურვილია საერთაშორისო დონის დანადგარებით, რომლებიც ფლობენ სერტიფიკატს - EURO-1.

კომპანიის წარმომადგენლების ინფორმაციით, პირველ ეტაპზე საწარმო მომხმარებელს სხვადასხვა სახეობის იტალიურ ბრტყელ პურს, პიადინას შესთავაზებს, მეორე ეტაპზე კი განხორციელდება ნახევარფაბრიკატების წარმოების პროექტი: ასორტიმენტში იქნება მზა სენდვიჩები, დაჭრილი ლორი და ყველი, ასორტი ღვინისთვის ქართული ყველით, ჩირეულით და თხილით.

ეკატერინე ციმაკურიძე - როცა ტელევიზიის ხელმძღვანელს ასამართლებენ სრულიად არადამაჯერებელი მართლმსაჯულებით, ეს ნამდვილად არაა დასავლური მისწრაფება, ხელისუფლება კი ამბობს, რომ აქვს ევროატლანტიკური კურსი, მაგრამ საქმით სხვა რამეს ამტკიცებს
ქართული პრესის მიმოხილვა 16.05.2022
მუსიკათერაპია, როგორც ბედნიერების ტრენინგი
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა