ეს არის „კლოუნადა“, რომელიც არის დადგმული და არ შეესაბამება სინამდვილეს, - ასე ეხმიანება საპარლამენტო უმრავლესობის წევრი გივი მიქანაძე ჟურნალისტებთან მიხეილ სააკაშვილის განცხადებას, რომ ის საქართველოში იმყოფება.
ჟურნალისტების კითხვაზე, როგორ შემოვიდა სააკაშვილი ქვეყანაში და რატომ არ დააკავეს, მიქანაძე პასუხობს, რომ „ის საქართველოში არ იმყოფება, შსს ასრულებს თავის ფუნქციას".
„ეს არის თქვენი ვერსია, არ გადმოუკვეთია(საზღვარი), ცრუ ინფორმაციას ავრცელებთ.
თქვენ ნახეთ? რომ ნახავთ, მერე ვილაპარაკოთ. არასწორი ინფორმაციაა, დამიმტკიცეთ, რომ საქართველოშია, პოსტი და ყველაფერი შეიძლება გააკეთო დღეს, "კლოუნადაა,"- განაცხადა მიქანაძემ.