ბათუ ქუთელია - ქვეყანაში სახელმწიფო ინსტიტუტები ჩამოშლილია

“დროას“ წევრის, ბათუ ქუთელიას განცხადებით, ქვეყნის მესამე პრეზიდენტის, მიხეილ სააკაშვილის მიერ გავრცელებული ვიდეოები, სადაც ის ირწმუნება, რომ ბათუმში იმყოფება, ადასტურებს, რომ ქვეყანაში სახელმწიფო ინსტიტუტები ჩამოშლილია.

მისივე თქმით, „ქართული ოცნება“ ჩაბღაუჭებულია ძალაუფლებას და ცდილობს არალეგიტიმურად შეინარჩუნოს.

„საქმე გვაქვს იმასთან, რომ სახელმწიფო ინსტიტუტები ქვეყანაში ჩამოშლილია, „ქართული ოცნება“ ჩაბღაუჭებულია ძალაუფლებას და ცდილობს არალეგიტიმურად ეს შეინარჩუნოს. ყველა კვლევით, მათ ეს არჩევნები აქვთ წაგებული და ამიტომაც ცდილობენ, რომ ყურადღება გადაიტანონ ძალადობასა და შანტაჟზე. ჩვენი შეხვედრაც ევროპარლამენტარებთან ამის დასტური იყო - ყველას აქვს მოლოდინი, რომ ის, რაც დღეს საქართველოში ხდება, რეალურად მშვიდობიანად მივა იქამდე, რომ მივიღებთ კოალიციურ მმართველობას და „ქართული ოცნება“ გავა პოლიტიკური სცენიდან. ევროპარლამენტარების ამოცანაც და მათი განცდაც არის ის, რომ საქართველო არის ძალიან სახიფათო ზღვარზე, დაემსგავსოს რუსულ ავტორიტარიზმს. ყველას ამოცანა, მათ შორის ოპოზიციის და ვისაც პასუხისმგებლობა გრძნობა აქვს ამ ქვეყანასთან დაკავშირებით არის ის, რომ ეს პროცესი მიიყვანოს ნორმალურ ლოგიკურ დასასრულამდე და ამ ადგილობრივი არჩევნების შემდეგ მივიღოთ ვადამდელი საპარლამენტო არჩევნები, რომელიც ასახავს მოსახლეობის იმ განწყობას, რომელიც არის რეალურად. გაიგეს თუ ვერ გაიგეს ან რა ფორმით ხდება ამის განხორციელება, ძნელი სათქმელია. დარწმუნებული ვარ, „ქართული ოცნების“ პირობებში ქვეყნის ინსტიტუცია კიდევ უფრო მოიშლება. ისინი მარტო ძალადობის მეთოდით აკონტროლებენ თავის ძალაუფლებას და აქედან გამომდინარე არის არალეგიტიმური ხელისუფლება“, - განაცხადა ბათუ ქუთელიამ.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა