ეკა ბესელია - „ქართული ოცნების“ სპიკერების გამბედაობას რომ ვიცნობ, ერთმანეთს გაასწრებენ, გაიქცევიან

ერთმანეთს გაასწრებენ, რომ ვიცნობ ამ ადამიანების შინაგან მდგომარეობას და მათი გამბედაობის მასშტაბს, ვგულისხმობ „ქართული ოცნების“ სპიკერებს - ისინი გაიქცევიან,- ამის შესახებ პარტია „სამართლიანობისთვის“ ლიდერმა „პალიტრანიუსის“ გადაცემა „ნიუსრუმში“ განაცხადა.

მისივე შეფასებით, საქართველოში უკიდურესად რთული და ფეთქებადსაშიში ვითარებაა და ამ ფონზე ძალოვანი სტრუქტურები აბსოლუტურად დემორალიზებულები არიან.

„სასაცილოდ რომ გვქონდეს საქმე, რა სჯობს, დავდგეთ და ვიხალისოთ, მაგრამ არ გვაქვს, სამწუხაროდ, სახალისოდ საქმე. ქვეყანაში არის ვითარება უკიდურესად რთული და ფეთქებადსაშიში. მე არ ვიცი, სად დასეირნობს მიხეილ სააკაშვილი, ბულვარში, ბულვარს მიღმა, თუ რა სიურპრიზებს უმზადებს. მოდით თავსატეხი ჰქონდეთ საქართველოს ძალოვან უწყებებს, რომლებიც ვერ გამოიყურებიან კარგად, არ გვაქვს ჩვენ ასეთი მყარი სისტემა.

ძალოვანი უწყებები, განსაკუთრებით, ქვეყნის უსაფრთხოებაზე მოფიქრალი, წესით მოდარაჯე უწყებები, არ გვაქვს ჩვენ მყარი და ის დღეს არის დემორალიზებული. დემორალიზებულია, რადგან იმის ნაცვლად, რომ უსაფრთხოების სისტემა მუშაობდეს საფრთხეების განეიტრალებაზე, მართლა, რამდენჯერ გადაბრუნდება ადამიანი ძილის წინ და ძილის შემდეგ, ამას ამოწმებენ და მთელი რესურსი ამაზე მიდის და ეს დემორალიზებას უკეთებს წესიერ საჯარო მოხელეებს.

ეს იქნება აბსოლუტური კრახი, ერთმანეთს გაასწრებენ, რომ ვიცნობ ამ ადამიანების შინაგან მდგომარეობას და მათი გამბედაობის მასშტაბს, ვგულისხმობ „ქართული ოცნების“ სპიკერებს. ისინი გაიქცევიან. ეს ის ხალხია „ნაციონალური მოძრაობის“ ჩუმი და ლატენტური დამხმარე რომ იყო ღიად თუ ფარულად და შემდეგ იპოვეს გზები „ქართულ ოცნებაში“ მოსასვლელად,“ - განაცხადა ბესელიამ.

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 23.05.2022
ჰუბერტ ქნირში - გზა ევროკავშირში გაწევრიანებისკენ ჯერ კიდევ გრძელია - ის, რაც რამდენიმე კვირაში ევროპის საბჭომ შეიძლება გადაწყვიტოს, არის გზის დასაწყისი, არის გადაწყვეტილება, რომ ჩვენ ერთად გვინდა ამ გზის გავლა
4-5 ივნისს თბილისის საკონცერტო დარბაზში „ერისიონი“ ახალი პროგრამით წარდგება
IF Design-ის 2022 წლის ღონისძიებაზე ჰიუნდაიმ 9 ჯილდო მოიპოვა
რომელ Galaxy A სმარტფონს ირჩევ შენ?
ვებსტერის უნივერსიტეტსა და თიბისის შორის მემორანდუმი გაფორმდა
ლიბერთი ბანკი - დიდი პასუხისმგებლობა და პატივია უნიკალური ინფრასტრუქტურით მოვემსახუროთ სოციალური გასაცემლების მიმღებ პირებს