ალუდა ღუდუშაური - დანამდვილებით გეუბნებით, სააკაშვილი საქართველოში არ იმყოფება - სააკაშვილი უკრაინაშია, ის უკრაინიდან არ გასულა

დანამდვილებით გეუბნებით, მიხეილ სააკაშვილი საქართველოში არ იმყოფება - სააკაშვილი უკრაინაშია, ის უკრაინიდან არ გასულა, - ამის შესახებ "ქართული ოცნების" დეპუტატი ალუდა ღუდუშაური აცხადებს.

ღუდუშაურის შეფასებით, მიხეილ სააკაშვილი საქართველოში ყოფნის თაობაზე სასაცილო და სამარცხვინო „ფეიკ“ ნიუსს საკუთარ პარტიაშიც „ვერ ყიდის". მისივე თქმით, სააკაშვილი "როგორც კი გაბედავს და საქართველოს ტერიტორიას შეეხება, დაპატიმრებული იქნება".

„ძალიან სამწუხაროა, რომ საქართველოს პრეზიდენტად მიხეილ სააკაშვილი ჰყავდა, რომელსაც კვლავ დაუოკებელი ჟინი აქვს დაბრუნდეს ხელისუფლებაში. ყოველგვარ ზღვარს მიღმაა ისეთი კომიკური და სასაცილო პერსონაჟი, როგორადაც ყოფილი პრეზიდენტი იქცა. არც ერთ ზრდასრულ ადამიანს ასეთი მარტივი ფეიკის არ სჯერა - ბუნებით ისეთ მხდალ და მშიშარა პიროვნებას, როგორიც მიხეილ სააკაშვილია, არა აქვს გამბედაობა წარსდგეს ქართველი ხალხისა და მართლმსაჯულების წინაშე. როდესაც რამდენიმე დღის წინ რაღაც ბილეთის ჯავშანი გამოაქვეყნა და ახლა უკვე სამარცხვინო და სასაცილო „ფეიკ“ ნიუსს ავრცელებს, ღიმილის მომგვრელია.

ჩვენი ქვეყნის სამწუხარო მოცემულობაა, რომ ოდესღაც საქართველოს ასეთი სამარცხვინო პრეზიდენტი ჰყავდა", - განაცხადა ალუდა ღუდუშაურმა.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 18.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს