ირაკლი კობახიძე - ხვალ მაქსიმალური აქტიურობისკენ მოვუწოდებ ამომრჩეველს იმისთვის, რომ ერთხელ და სამუდამოდ დავასრულოთ სიმახინჯე, რომელსაც ქართულ პოლიტიკაში ვხედავთ მთელი ამ წლების განმავლობაში

ხვალ მაქსიმალური აქტიურობისკენ მოვუწოდებ ამომრჩეველს იმისთვის, რომ ერთხელ და სამუდამოდ დავასრულოთ სიმახინჯე, რომელსაც ქართულ პოლიტიკაში ვხედავთ მთელი ამ წლების განმავლობაში , - ამის შესახებ „ქართული ოცნების“ თავმჯდომარე ირაკლი კობახიძემ პარტიის ოფისში გამართულ ბრიფინგზე განაცხადა.

მისივე თქმით, ქართული საზოგადოება ხვალ საბოლოო განაჩენს გამოუტანს, როგორც „ნაციონალურ მოძრაობას“ ასევე მის სატელიტ პარტიებს.

„ქართული საზოგადოება ხვალ საბოლოო განაჩენს გამოუტანს როგორც „ნაციონალურ მოძრაობას“ ასევე მის სატელიტ პარტიებს. ეს იქნება ელექტორალური პასუხი ამ პოლიტიკურ ძალებზე. ეს იქნება ისეთი პასუხი, რომელიც უზრუნველყოფს საერთო ჯამში ქართული პოლიტიკური სისტემის გაჯანსაღებას.

მთავარია ჩვენი ამომრჩევლის მობილიზაცია, მთავარია ამომრჩეველი არავითარ შემთხვევაში არ მოდუნდეს. ხვალ მაქსიმალური აქტიურობისკენ მოვუწოდებ ამომრჩეველს იმისთვის, რომ ერთხელ და სამუდამოდ დავასრულოთ ის სიმახინჯე, რომელსაც ქართულ პოლიტიკაში ვხედავთ მთელი ამ წლების განმავლობაში. ეს არის პოლარიზაცია, ეს არის არაჯანსაღი ურთიერთობები პოლიტიკურ პარტიებს შორის, ეს არის არაჯანსაღი პოლიტიკური პარტიების არსებობა პოლიტიკურ სისტემაში. ეს ყველაფერი ხვალ უნდა დასრულდეს, ამაში საბოლოო სიტყვა უნდა თქვას ქართულმა ელექტორატმა, ქართულმა ამომრჩეველმა“,-აღნიშნა კობახიძე.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 20.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს