გიგა ბოკერია - პროცესებს განსაზღვრავს ჩვენი ხალხის აქტიურობა ხვალ არჩევნებზე, ეს ისედაც ასე იყო, სააკაშვილიც რომ არ დაეკავებინათ

ჩვენ შეგვიძლია ხვალ არჩევნებზე ისეთი მშვიდობიანი პოლიტიკური დარტყმა მივაყენოთ, რომელიც მოარყევს და იძულებულს გახდის ივანიშვილის რეჟიმს, რომ დათმოს ძალაუფლება ვადამდელ არჩევნებზე, - ამის შესახებ „ევროპული საქართველოს“ თავმჯდომარე გიგა ბოკერიამ განაცხადა, რომელიც საქართველოს ყოფილი პრეზიდენტის, მიხელ სააკაშვილის დაკავებას გამოეხმაურა.

როგორც ბოკერიამ აღნიშნა, პროცესებს ხვალ ხალხის აქტიურობა განსაზღვრავს.

„ბუნებრივია ჩვენ არაფერი ვიცით გარდა იმისა, რაც ტელევიზიით ვიხილეთ. ასეთ ვითარებაში ამ ხალხის ხელისუფლებაში დატოვება ყველასთვის საფრთხეა. ივანიშვილის რეჟიმი და მისი გარემოცვა ყველასთვის საბედისწერო საფრთხეა, არამხოლოდ სააკაშვილის, რომელზეც იძახიან, რომ დააკავეს, ან მის მისი მომხრეებისთვის და ოპოზიციისთვის.

ჩვენ შეგვიძლია, ისეთი მშვიდობიანი პოლიტიკური დარტყმა მივაყენოთ, რომელიც მოარყევს და იძულებულს გახდის, დათმოს ძალაუფლება ვადამდელ არჩევნებზე. ამ ყველაფერს სათავე უნდა დავუდოთ ხვალ, 2 ოქტომბერს.

პროცესებს განსაზღვრავს ხვალ არჩევნებზე ჩვენი ხალხის აქტიურობა. ეს ისედაც ასე იყო სააკაშვილი რომც არ დაეკავებინათ. ხვალ გვაქვს შანსი, რომ დავუახლოვდეთ ისტორიულ ამოცანას და მოვშორდეთ საფრთხეს, რაც ივანიშვილმა შეუქმნა ჩვენს ქვეყანას“, - განაცხადა ბოკერიამ.

ცნობისთვის, საქართველოს ყოფილი პრეზიდენტი, მიხეილ სააკაშვილი დღეს დააკავეს.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გიორგი ჭიჭინაძე - საპენსიო რეფორმამ ძალიან მოკლე ვადაში დაადასტურა მდგრადობა
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა