მიხეილ სააკაშვილი - მიუხედავად იმისა დამაპატიმრებენ თუ არა, ყველანი მივიდეთ არჩევნებზე - როცა იქნება გაყალბების მცდელობა დავორგანიზდეთ, გავათავისუფლოთ ჩვენი თავი და გავათავისუფლოთ ჩვენი ქვეყანა საქართველო

საქართველოს მესამე პრეზიდენტის მიხეილ სააკაშვილის სოციალურ ქსელში კიდევ ერთი ვიდეო ვრცელდება, რომელიც სავარაუდოდ, საქართველოში ჩამოსვლამდეა ჩაწერილი.

ის Facebook-ზე გავრცელებულ ვიდეოში ქართველ ხალხს არჩევნებზე მისვლისკენ მოუწოდებს.

„მე გადავწყვიტე წასვლა საქართველოში და მე იქ აუცილებლად ჩავალ იმ გზით, რომელიც არის ყველაზე მოსახერხებელი და ყველაზე ნაკლები დაბრკოლებების შექმნას შეძლებენ, იმედია. მინდა ვუთხრა ყველას, არის დიდი ალბათობა, რომ მე შეიძლება დამაკავოს ამ ხელისუფლებამ, რომელმაც უკანონოდ მიიტაცა გასულ წელს არჩევნები, რომელიც აპირებს ამ რეფერნდუმის გაყალბებასაც, მაგრამ ეს არ ნიშნავს, რომ ჩვენ უკან უნდა დავიხიოთ. ისინი ჩემს დაკავებას აპირებენ სრულიად გაყალბებული სისხლის სამართლის საქმეებითა და განაჩენებით, რომელსაც არცერთი ქვეყანა მსოფლიოში არ ცნობს მათი და რუსეთის გარდა. მე დავდივარ მთელს მსოფლიოში, ყველგან მიღებენ და არავინ მათ გადაწყვეტილებებს არ ცნობს. ეს ნიშნავს, რომ ეს არის სუფთა პოლიტიკური განაჩენები. მე მინდა ვუთხრა ყველა თავისუფლებისმოვყარე ადამიანს საქართველოში - მიუხედავად იმისა დამაპატიმრებენ თუ არა, ყველანი მივიდეთ არჩევნებზე. ჩემთვის პირადად, ძალიან მნიშვნელოვანია რომ ყველანი მიხვიდეთ არჩევნებზე, მივცეთ ხმა და შემდეგ არჩევნების მეორე დღეს, როცა იქნება გაყალბების მცდელობა ყველანი დავორგანიზდეთ, გავათავისუფლოთ ჩვენი თავი, გავიდეთ და გავათავისუფლოთ ჩვენი ქვეყანა საქართველო. თუ მე დამაკავებენ, ეს არ უნდა იყოს იმის საბაბი, რომ ვიღაცამ ხელები ჩამოუშვას. მე შეგნებულად მივდივარ ამაზე. მიმაჩნია, რომ ჩვენ ბევრად მეტი ძალა გვაქვს, ვიდრე მათ. არც მათი ფული, არც მათი მოკავშირე, ერთი, არც მათი რეპრესიული აპარატი არ არის უფრო ძლიერი, ვიდრე ქართველი ხალხი და ჩვენი ენერგია, ჩვენი ძალა და რაც მთავარია, ჩვენი სიმართლე. ამიტომ დავირაზმოთ ყველანი, ნურავის ნუ შეგეშინდებათ, ყველაფერი იქნება ძალიან მაგრად თუ ჩვენ დავდგებით მაგრად და ჩვენ დავდგებით მაგრად! მე მივდივარ ბოლომდე. ვრისკავ ყველაფერს, ვტოვებ ჩემს ძალიან კომფორტულ, აწყობილ ცხოვრებას კიევში, ყველაფერ დანარჩენს, უარს ვამბობ ჩემს ყველანაირ პირად მომენტებზე, ამ ეტაპზე, ყველაფერს ვრისკავ იმისთვის, რომ ჩავიდე და დავეხმარო ჩვენს ხალხს, რომელსაც ძალიან ვჭირდები. წარმატებები და ღმერთი იყოს ჩვენი მფარველი“, -აცხადებს სააკაშვილი.

ცნობისთვის, მიხეილ სააკაშვილი რამდენიმე საათის წინ დააკავეს.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 19.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში