აუცილებელია ჩვენი ქვეყნისთვის და ყველა მოქალაქის ვალია, რომ მიიღოს მონაწილეობა არჩევნებში და მხარი დაუჭიროს ცვლილებას, - აცხადებს ხმის მიცემის შემდეგ ,,ევროპული საქართველოს“ პოლიტსაბჭოს თავმჯდომარე გიგი წერეთელი.

როგორც წერეთელი განმარტავს, ამ არჩევნებს არსებითად დიდი მნიშვნელობა აქვს ქვეყნის მომავლისთვის და ხაზს უსვამს, რომ არჩევნების შემდეგ საქართველო უნდა იყოს განვითარებული, ევროპული ქვეყანა.

„ყველა მოქალაქის ვალია, რომ მიიღოს მონაწილეობა არჩევნებში და მხარი დაუჭიროს ცვლილებას, რაც არის აუცილებელი ჩვენი ქვეყნისთვის. მეც სწორედ ცვლილებების განწყობით მოვედი და მივეცი ხმა სწორედ იმ კანდიდატებს, რომლებიც ვფიქრობ აუცილებლად შეასრულებენ თავიანთ დაპირებებს. ამ არჩევნებს აქვს გადამწყვეტი მნიშვნელობა იმისთვის, თუ როგორი იქნება და როგორ იცხოვრებს საქართველო ხვალ, შესაბამისად ყველა მოქალაქის ვალია, რომ მიიღოს მონაწილეობა არჩევნებში და მხარი დაუჭიროს ცვლილებას, რაც არის აუცილებელი. მეც სწორედ ამ განწყობით მოვედი და მივეცი ხმა სწორედ იმ კანდიდატებს, რომლებიც ვფიქრობ აუცილებლად შეასრულებენ თავიანთ დანაპირებებს და საქართველო იქნება ქვეყანა სადაც აღარ იქნებიან პოლიტპატიმრები, სადაც ადამიანებს ექნებათ შანსი საკუთარი ბედნიერებისთვის ისწრაფოდნენ, ოჯახები მშვიდად და უსაფრთხოდ იყვნენ და საქართველო იყოს ევროპული ქვეყანა”, - აცხადებს გიგი წერეთელი.