ეუთო/ოდირის სადამკვირვებლო მისიის ხელმძღვანელი - არჩევნების დღე არის მნიშვნელოვანი, მაგრამ ეს მხოლოდ აისბერგის წვერია

არჩევნების დღე, რა თქმა უნდა, არის მნიშვნელოვანი, მაგრამ ეს არის მხოლოდ აისბერგის წვერი, - ამის შესახებ ეუთო/ოდირის სადამკვირვებლო მისიის ხელმძღვანელმა ალბერტ იონსონმა განაცხადა. ის თბილისის მე-16 საარჩევნო უბანზე იყო მისული, არჩევნების პროცესზე დასაკვირვებლად. როგორც მან ჟურნალისტებთან საუბარში აღნიშნა, დღის განმავლობაში თბილისის კიდევ რამდენიმე უბანზე გეგმავს მისვლას.

ამასთანავე, როგორც ალბერტ იონსონმა აღნიშნა, მხოლოდ ეუთო/ოდირიდან ადგილობრივ არჩევნებს საქართველოში 300-ზე მეტი დამკვირვებელი აკვირდება.

„დამკვირვებლების ძირითადი ჯგუფი 12 წევრისგან შედგება და ასევე არიან გრძელვადიანი დამკვირვებლები რეგიონებსა და თბილისში და ყველა ერთად არის 300-ზე მეტი დამკვირვებელი.

რაც შემეხება მე პირადად, ვაპირებ რამდენიმე საარჩევნო უბანზე მისვლას თბილისში და რა თქმა უნდა, მე არ მექნება სრული მიმოხილვა, აქედან გამომდინარე, ჩვენი სხვა დამკვირვებლები წარმოდგენილები არიან ბევრ უბანზე და ვფარავთ ამ უბნებს.

ჩვენ რა თქმა უნდა, დაინტერესებული ვართ, როგორ მიმდინარეობს არჩევნების დღე, მაგრამ ასევე ვაკვირდებით საარჩევნო პროცესს მთლიანობაში. აქედან გამომდინარე, ჩემი გუნდი საქართველოში იმყოფება უკვე 5 კვირის განმავლობაში, რათა შეისწავლონ საარჩევნო პროცესი. ასე რომ, ეს არის ყოვლისმომცველი პროცესი. არჩევნების დღე რა თქმა უნდა, არის მნიშვნელოვანი, მაგრამ ეს არის მხოლოდ აისბერგის წვერი.

ჩვენ საარჩევნო პროცესს ვაკვირდებით რამდენიმე კვირის განმავლობაში, მივდივართ დასკვნამდე და ხვალ იქნება პრესკონფერენცია, სადაც გაკეთდება განცხადება წინასწარ აღმოჩენებსა და დასკვნებთან დაკავშირებით, - განაცხადა ალბერტ იონსონმა.

რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ქართული პრესის მიმოხილვა 21.10.2021
დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს