სახელმწიფო მინისტრმა თეა ახვლედიანმა ადგილობრივი თვითმმართველობის არჩევნებზე საკუთარი არჩევანი მთაწმინდის საარჩევნო ოლქის #24 უბანზე დააფიქსირა.

როგორც ახვლედიანი აღნიშნავს, არჩევნებში ხმა ხალხისა და ქვეყნის ერთანობას, მშვიდობას და სტაბილურობის განმტკიცებას მისცა. „მე ხმა მივეცი პირველ რიგში ჩვენი ხალხის და ქვეყნის ერთიანობას, მშვიდობის და სტაბილურობის განმტკიცებას. ჩემი არჩევანია ჩვენი დედაქალაქის, ჩვენი ქვეყნის რეგიონების და სრულიად საქართველოს შეუქცევადი და მდგრადი განვითარება. წარმატებული მომავალი, სადაც დაცულია თითოეული მოქალაქის ღირსება და უფლებები. ყველა რეგიონში იქმნება ახალი შესაძლებლობები“, - განაცხადა თეა ახვლედიანმა.