სრულიად საქართველოს კათოლიკოს-პატრიარქმა ილია II-მ თვითმმართველობის არჩევნებზე საკუთარი არჩევანი დააფიქსირა. ინფორმაციას საპატრიარქოს საზოგადოებასთან ურთიერთობის სამსახური ავრცელებს.

მათივე ინფორმაციით, პატრიარქმა ხმა გადასატანი ყუთის მეშვეობით საპატრიარქოში მისცა.

„ჩვენ დიდი იმედით ვუყურებთ დღევანდელ არჩევნებს. ვფიქრობ, რომ ის პრობლემები, რომლებიც დგას დღეს ჩვენი ქვეყნის წინაშე, იქნება დადებითად გადაწყვეტილი. ღმერთმა დალოცოს სრულიად საქართველო", - ბრძანა უწმინდესმა და უნეტარესმა.