ირაკლი კობახიძე - 10 წლის წინ, როცა ივანიშვილმა „ქართული ოცნება“ დააფუძნა, პირველი გამარჯვების არავის სჯეროდა - ამის შემდეგ ზედიზედ მერვე გამარჯვება მოვიპოვეთ და დიდი გამარჯვებები კიდევ წინ არის

ათი წლის წინ, როცა ბიძინა ივანიშვილმა „ქართული ოცნება“ დააფუძნა, პირველი გამარჯვების არავის სჯეროდა - ამის შემდეგ ზედიზედ მერვე გამარჯვება მოვიპოვეთ და დიდი გამარჯვებები კიდევ წინ არის, - აღნიშნული განცხადება პარტია „ქართული ოცნების“ თავმჯდომარემ ირაკლი კობახიძემ მას შემდეგ გააკეთა, რაც ეგზიტპოლის შედეგები გახდა ცნობილი.

„ქართული ოცნების“ ცენტრალური ოფისის წინ დამონტაჟებულ მონიტორზე ტელეკომპანია „იმედის“ ეთერით “გორბის“ ეგზიტპოლის შედეგების ტრანსლირება ხდებოდა.

“მადლობა თითოეულ თქვენგანს. ათიათასობით ადამიანი იყო ჩართული წინასაარჩევნო კამპანიაში, ამ სამზადისში და ძალიან მიხარია, რომ ეს ყველაფერი თითოეულ ჩვენგანს დაგვიფასდა. გამარჯვებას მივულოცავ ყველას. ასობით კანდიდატი გვყავდა, ვინც გაიმარჯვა, გახდა საკრებულოს წევრი, მერი და თითოეულ მათგანს მოვულოცავთ ამ გამარჯვებას. გაუმარჯოს ჩვენს დღევანდელ და შემდეგ გამარჯვებებს“, - განაცხადა ირაკლი კობახიძემ.

“ქართული ოცნების“ ლიდერებმა ადგილობრივი არჩევნების ეგზიტპოლის შედეგების გამოცხადებისთანავე პარტიის ცენტრალური ოფისის წინ დამონტაჟებულ სცენაზე გადაინაცვლეს და საკუთარ მხარდამჭერებს არჩევნებში გამარჯვება მიულოცეს. პარტიის ოფისთან შეკრებილებს “ქართული ოცნების“ თავმჯდომარემ ირაკლი კობახიძემ, პრემიერ-მინისტრმა ირაკლი ღარიბაშვილმა და თბილისის მერობის კანდიდატმა კახა კალაძემ მიმართეს, რომლებიც მხარდამჭერებთან შესახვედრად შვილებთან ერთად გავიდნენ. აღსანიშნავია, რომ “ქართული ოცნების“ ცენტრალური ოფისის წინ დამონტაჟებულ მონიტორზე ტელეკომპანია “იმედის“ ეთერით “გორბის“ ეგზიტპოლის შედეგების ტრანსლირება ხდებოდა, რომლის მიხედვით, ადგილობრივი თვითმმართველობის არჩევნებში “ქართულმა ოცნებამ“ გაიმარჯვა.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა