მამუკა ხაზარაძე - ოპოზიციამ მიზანს მიაღწია - თბილისში ცვლილებები იწყება!

„ქართული ოცნება” თბილისში დამარცხდა, ეს ნიშნავს, რომ ოპოზიციამ მიზანს მიაღწია, თბილისში იწყება ცვლილებები, - ასე ეხმაურება „ლელოს“ ლიდერი მამუკა ხაზარაძე ეგზიტპოლების შედეგებს.

მამუკა ხაზარაძის განცხადებით, დღევანდელი არჩევნებით ოპოზიციამ ვადამდელი საპარლამენტო, სრულად პროპორციული არჩევნები მოიპოვა.

„დარწმუნებული ვარ, რომ ცოტა ხანში, ჩვენ ანალოგიურ ინფორმაციას მივიღებთ მთელი ქვეყნის მასშტაბით. ეს ნიშნავს, რომ იქნება მეორე ტური და კიდევ უფრო გაუმჯობესდება ოპოზიციის შედეგი საქართველოში, მთელი ქვეყნის მასშტაბით. მე მინდა, მადლობა გადავუხადო თითოეულ ჩვენს მხარდამჭერს, „ლელოს“ მხარდამჭერს, ოპოზიციის მხარდამჭერს და ყველა იმ ადამიანს, ვინც დღეს თავისი მოქალაქეობრივი ფუნქცია და მოვალეობა შეასრულა. ეს იყო მნიშვნელოვანი არჩევნები, ეს არჩევნები ჩვენ გვაძლევს ახალ არჩევნებს მომავალ წელს, სრულად პროპორციულს და ეს იყო ძალიან მნიშვნელოვანი, რაც დღეს მოხდა.

არჩევნები არ დამთავრებულა, მინდა ყველას მოვუწოდო, ჩვენს თანაგუნდელებს, კომისიის წევრებს, ჯერ არჩევნები არ დამთავრებულა, ახლა იწყება ხმების დათვლა და ეს ხმების დათვლა უნდა იყოს ისეთ დონეზე ჩატარებული, რომ არცერთი ხმა არ დავკარგოთ, თითოეული ჩვენი ამომრჩევლის ხმა და ოპოზიციის”, - განაცხადა მამუკა ხაზარაძემ.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს